ನ್ಯೂಯಾರ್ಕ್: ವಿಶ್ವದ ಅತ್ಯಂತ ಶ್ರೀಮಂತ ಎಲಾನ್ ಮಸ್ಕ್ ಅವರೊಂದಿಗೆ ಟ್ವಿಟರ್ ಕಂಪನಿಯು ಒಪ್ಪಂದ ಮಾಡಿಕೊಳ್ಳುತ್ತಿರುವ ಸುದ್ದಿ ವಾಲ್ ಸ್ಟ್ರೀಟ್ ಜರ್ನಲ್ನಲ್ಲಿ ವರದಿಯಾಗುತ್ತಿದ್ದಂತೆ ಅತ್ಯಂತ ಪ್ರಭಾವಶಾಲಿ ಸಾಮಾಜಿಕ ಮಾಧ್ಯಮ ಟ್ವಿಟರ್ನ ಷೇರು ಮೌಲ್ಯ ಜಿಗಿಯಲು ಪ್ರಾರಂಭಿಸಿದ್ದು, ಮಾರುಕಟ್ಟೆಯಲ್ಲಿ ಸಂಚಲನ ಮೂಡಿದೆ.
ಟ್ವಿಟರ್ ಕಂಪನಿಯ ಆಡಳಿತ ಮಂಡಳಿಯು ಟೆಸ್ಲಾ ಸಿಇಓ ಮಸ್ಕ್ ಅವರ ಅತ್ಯುತ್ತಮ ಆಫರ್ಗೆ ಒಪ್ಪಿಕೊಂಡಿದ್ದು, ಅಂತಿಮವಾಗಿ $44 ಬಿಲಿಯನ್ಗೆ ಟ್ವಿಟರ್ ಹಕ್ಕಿಯನ್ನು ಮಾರಾಟ ಮಾಡಲು ನಿರ್ಧರಿಸಿರುವ ಕುರಿತು ವರದಿಯಾಗಿದೆ. ಸುಮಾರು $44 ಬಿಲಿಯನ್ ಮೌಲ್ಯದ ಕಂಪನಿ ಸ್ವಾದೀನಕ್ಕೆ ನಿರ್ಣಾಯಕ ಒಪ್ಪಂದವನ್ನು ಒಪ್ಪಿಕೊಂಡಿದೆ ಎಂದು ಟ್ವಿಟರ್ ಪ್ರಕಟಿಸಿದೆ.
ನನ್ನ ಕೆಟ್ಟ ವಿಮರ್ಶಕರು ಕೂಡ ಟ್ವಿಟರ್ನಲ್ಲಿ ಉಳಿಯುತ್ತಾರೆ ಎಂದು ನಾನು ಭಾವಿಸುತ್ತೇನೆ. ಯಾಕೆಂದರೆ ಅದೇ ಅಲ್ವಾ ವಾಕ್ ಸ್ವಾತಂತ್ರ್ಯಕ್ಕಿರುವ ಅರ್ಥ' ಎಂದು ತನ್ನ ನೆಟ್ಟಿಗರನ್ನು ಉದ್ದೇಶಿಸಿ ಮಸ್ಕ್ ಟ್ವೀಟ್ ಮಾಡಿದ್ದಾರೆ. ಅದಕ್ಕೂ ಕೆಲವು ನಿಮಿಷಗಳ ಮೊದಲು, ಈ ಬಿಲಿಯನೇರ್, ಅಮೆರಿಕನ್ ಕವಿ ರಾಬರ್ಟ್ ಫ್ರಾಸ್ಟ್ ಅವರ ಪ್ರಣಯ ಕವಿತೆ 'ಎ ಲೈನ್ ಸ್ಟಾರ್ಮ್ ಸಾಂಗ್: ಮತ್ತು ಬಿ ಮೈ ಲವ್ ಇನ್ ದಿ ರೈನ್' ಅನ್ನು ಟ್ವಿಟರ್ನಲ್ಲಿ ಉಲ್ಲೇಖಿಸಿದ್ದಾರೆ.
ಫೋರ್ಬ್ಸ್ ನೈಜ - ಸಮಯದ ಬಿಲಿಯನೇರ್ಸ್ ಸೂಚ್ಯಂಕದಲ್ಲಿ ಮಸ್ಕ್ $269.7 ಬಿಲಿಯನ್ ನಿವ್ವಳ ಮೌಲ್ಯವನ್ನು ಹೊಂದಿದ್ದಾರೆ. ಇದು ವಿಶ್ವದ ಎರಡನೇ ಶ್ರೀಮಂತ ವ್ಯಕ್ತಿಯಾದ ಅಮೆಜಾನ್‌ನ ಜೆಫ್ ಬೆಜೋಸ್‌ಗಿಂತ $99 ಬಿಲಿಯನ್ಗಿಂತಲೂ ಹೆಚ್ಚಾಗಿದೆ.
ಈ ಏಪ್ರಿಲ್ ಆರಂಭದಲ್ಲಿ, ಮಸ್ಕ್ ಟ್ವಿಟರ್ ಅನ್ನು $54.20 ಷೇರಿಗೆ ಅಥವಾ ಸುಮಾರು $43 ಶತಕೋಟಿಗೆ ಖರೀದಿಸುವ ಪ್ರಸ್ತಾಪವನ್ನು ಕಂಪೆನಿ ಮುಂದಿರಿಸಿದ್ದರು. ಮಸ್ಕ್‌ನ ಹಣಕಾಸು ಯೋಜನೆಯನ್ನು ಚರ್ಚಿಸಲು ಟ್ವಿಟರ್ನ ನಿರ್ದೇಶಕರ ಮಂಡಳಿಯು ಭಾನುವಾರ ಸಭೆ ಸೇರಿತ್ತು. ಮಂಡಳಿಯು ಸೋಮವಾರದ ಮುಂಜಾನೆ ಮಸ್ಕ್ ಅವರೊಂದಿಗೆ ಮಾತುಕತೆ ನಡೆಸಿದೆ ಎಂದು ನ್ಯೂಯಾರ್ಕ್ ಟೈಮ್ಸ್ ವರದಿ ಮಾಡಿದೆ.
ಖರೀದಿ ಒಪ್ಪಂದದ ಪರಿಣಾಮ ಷೇರು ಮೌಲ್ಯದಲ್ಲಿ ಏರಿಕೆ: ಟ್ವಿಟರ್ ಷೇರುಗಳ ಮೌಲ್ಯ ಸೋಮವಾರ ಮಧ್ಯಾಹ್ನ ಸುಮಾರು 6 ಪ್ರತಿಶತದಷ್ಟು ಏರಿಕೆ ಕಂಡಿದ್ದವು. ಮುಖ್ಯವಾಗಿ ಮಾಧ್ಯಮದ ಊಹಾಪೋಹದ ಕಾರಣ ಮಾರುಕಟ್ಟೆಯ ಮುಕ್ತಾಯದ ನಂತರ ಒಪ್ಪಂದ ಅಧಿಕೃತಗೊಳ್ಳಬಬಹುದು ಎಂದು ನಿರೀಕ್ಷಿಸಲಾಗಿದೆ. ಸ್ಟಾಕ್ ಮಾರುಕಟ್ಟೆಯಿಂದ ಟ್ವಿಟರ್ ಅನ್ನು ಪಡೆದುಕೊಳ್ಳುವ ಯೋಜನೆ ಇರುವ ಒಪ್ಪಂದವನ್ನು ಸಾಮಾಜಿಕ ಮಾಧ್ಯಮ ನಿರಾಕರಿಸುತ್ತದೆ ಎಂದು ನಿರೀಕ್ಷಿಸಲಾಗಿತ್ತು.
ತನ್ನ ಪ್ರಸ್ತಾವಿತ ಬಿಡ್‌ಗಾಗಿ ಮಸ್ಕ್‌ನ ಹಣಕಾಸು ಯೋಜನೆ ಬಗ್ಗೆ ಚರ್ಚಿಸಲು ಕಂಪನಿಯ ಮಂಡಳಿಯು ಭಾನುವಾರ ಸಭೆ ಸೇರಿದೆ ಎಂದು ಮೂಲವೊಂದು CNBC ಗೆ ತಿಳಿಸಿದೆ.
ಇದನ್ನೂ ಓದಿ: ಟ್ವಿಟ್ಟರ್ ಖರೀದಿಸುವ ಎಲಾನ್ ಮಸ್ಕ್ ಕನಸಿಗೆ ಭಂಗ.. ಇದು ಕ್ರಮಬದ್ಧವಲ್ಲದ ನಿರ್ಧಾರ ಎಂದ ಮಂಡಳಿ
