ಆಳ್ವಾರ( ರಾಜಸ್ಥಾನ): ಆನ್ಲೈನ್ ಗೇಮಿಂಗ್ ಗೀಳಿನಿಂದ ತೀವ್ರ ನಡುಕದ ಮಾನಸಿಕ ಆರೋಗ್ಯ ಸಮಸ್ಯೆಯಿಂದ ಬಾಲಕನೊಬ್ಬ ಬಳಲುತ್ತಿರುವ ಘಟನೆ ರಾಜಸ್ಥಾನ ರಾಜ್ಯದ ಆಳ್ವಾರ್‌ನಲ್ಲಿ ನಡೆದಿದೆ. ಬಾಲಕ ಪಬ್ಜಿ ಮತ್ತು ಫ್ರೀ ಫೈರ್‌ನಂತಹ ಆಟಗಳನ್ನು ಆಡುತ್ತಿದ್ದನು. ಆನ್ಲೈನ್ ಗೇಮಿಂಗ್ ಚಟದಿಂದ ಬಾಲಕ ಮಾನಸಿಕ ಸಮತೋಲನ ಕಳೆದುಕೊಂಡಿದ್ದಾನೆ. ಬಾಲಕನಿಗೆ ಗೇಮಿಂಗ್ ಚಟ ಬಿಡಿಸಲು ಆತನನ್ನು ಸದ್ಯ ವಿಶೇಷ ಶಾಲೆಗೆ ಸೇರಿಸಲಾಗಿದೆ.
ವಿಶೇಷ ಶಿಕ್ಷಕರಾದ ಭವಾನಿ ಶರ್ಮಾ ಹೇಳಿದ್ದೇನು?: ವಿಶೇಷ ಶಿಕ್ಷಕರಾದ ಭವಾನಿ ಶರ್ಮಾ ಮಾತನಾಡಿ, "ನಮ್ಮ ವಿಶೇಷ ಶಾಲೆಗೆ ಬಾಲಕ ಬಂದಿದ್ದಾನೆ. ನಮ್ಮ ಮೌಲ್ಯಮಾಪಕರು ಮತ್ತು ಸಂಬಂಧಿಕರ ಹೇಳಿಕೆಯಂತೆ, ಬಾಲಕ ಪಬ್ಜಿ ಹಾಗೂ ಫ್ರೀ ಫೈರ್‌ನಂತಹ ಗೇಮಿಂಗ್ ಚಟಕ್ಕೆ ಅಂಟಿಕೊಂಡಿದ್ದಾರೆ. ಈ ಬಾಲಕ ಆಟದಲ್ಲಿ ಸೋತಿದ್ದಾನೆ. ಆನ್ಲೈನ್ ಗೇಮಿಂಗ್ನಲ್ಲಿ ಆಟಗಾರ ಸೋಲುತ್ತಾನೆ. ಅದನ್ನು ಅವರಿಂದ ಸಹಿಸಲು ಸಾಧ್ಯವಾಗಿಲ್ಲ. ಇದರಿಂದ ಅವರು ಆತ್ಮಹತ್ಯೆಯಂತಹ ಕೃತ್ಯಗಳಿಗೆ ಮುಂದಾಗುತ್ತಾರೆ ಅಥವಾ ಅವರು ಮಾನಸಿಕ ಸಮತೋಲನವನ್ನು ಕಳೆದುಕೊಳ್ಳುತ್ತಾರೆ.
ಇದೇ ಪರಿಸ್ಥಿತಿಯನ್ನು ನಮ್ಮ ಶಾಲೆಗೆ ಬಂದಿರುವ ಬಾಲಕ ಎದುರಿಸುತ್ತಿದ್ದಾನೆ. ತನ್ನ ಮಾನಸಿಕ ಸಮತೋಲನವನ್ನು ಕಳೆದುಕೊಂಡಿದ್ದಾನೆ. ನಾವು ಈ ಬಾಲಕನಿಗೆ ಕ್ರೀಡಾ ಚಟುವಟಿಕೆಗಳ ಸ್ವರೂಪವನ್ನು ಸಿದ್ಧಪಡಿಸಿದ್ದೇವೆ. ಇದರ ಅನ್ವಯ ಮಗುವು ಎಲ್ಲವನ್ನೂ ಗೆಲ್ಲಲು ಸಹಾಯ ಮಾಡಲು ಸಾಧ್ಯವಾಗುತ್ತದೆ. ಇದರಿಂದ ಬಾಲಕನ ಸೋಲಿನ ಭಯ ನಿವಾರಣೆಯಾಗುತ್ತದೆ. ಬಾಲಕ ತನ್ನ ಗೆಲುವನ್ನು ನೆನಪಿಸಿಕೊಳ್ಳುತ್ತಾನೆ ಎಂದು ಅವರು ತಿಳಿಸಿದರು.
ಆನ್ಲೈನ್ ಗೇಮಿಂಗ್ ಮತ್ತು ಅಸ್ವಸ್ಥತೆ: ಪ್ರಪಂಚದಾದ್ಯಂತ ಆನ್ಲೈನ್ ಗೇಮಿಂಗ್ ಜನಪ್ರಿಯತೆಯು ವೇಗವಾಗಿ ಬೆಳೆಯುತ್ತಿದೆ. ಇಂಟರ್ನೆಟ್ ಬಳಕೆ ಮಾಡುವ ಭಾರತದಲ್ಲಿನ ಮಕ್ಕಳು ಗೇಮಿಂಗ್‌ಗೆ ತೀವ್ರವಾಗಿ ದಾಸರಾಗುತ್ತಿದ್ದಾರೆ. ವಿಡಿಯೋ ಗೇಮ್ ಚಟ ಅಥವಾ ಇಂಟರ್ನೆಟ್ ಗೇಮಿಂಗ್ ಅಸ್ವಸ್ಥತೆಯು ಯುವ ಪೀಳಿಗೆಗೆ ಹೊಸ ಚಟವಾಗಿ ಮಾರ್ಪಟ್ಟಿದೆ. ಇದು ಮಾನಸಿಕ ಆರೋಗ್ಯ ಹಾಗೂ ಸ್ವಯಂ ಆರೈಕೆ ಕೊರತೆ ಸೇರಿದಂತೆ ಮಕ್ಕಳ ಜೀವನದ ಹಲವು ಅಂಶಗಳಲ್ಲಿ ಋಣಾತ್ಮಕ ಪರಿಣಾಮಗಳನ್ನು ಉಂಟುಮಾಡುತ್ತದೆ. ಈ ಹಿನ್ನೆಲೆಯಲ್ಲಿ ಮಕ್ಕಳಲ್ಲಿ ಗೇಮಿಂಗ್ ಚಟದ ಪರಿಣಾಮಗಳನ್ನು ಜನರಿಗೆ ತಿಳಿಸಲು ಹಾಗೂ ಅರಿವು ಮೂಡಿಸುವ ನಿಟ್ಟಿನಲ್ಲಿ ತಜ್ಞ ಶಿಕ್ಷಕರಾದ ಭವಾನಿ ಶರ್ಮಾ ಅವರು, ರಾಜಸ್ಥಾನದ ಅಲ್ವಾರ್ ಜಿಲ್ಲೆಯಲ್ಲಿ ಆನ್ಲೈನ್ ಗೇಮಿಂಗ್ ಅಸ್ವಸ್ಥತೆಯಿಂದ ಬಳಲುತ್ತಿರುವ ಮಗುವಿನ ಪ್ರಕರಣವನ್ನು ಹಂಚಿಕೊಂಡಿದ್ದಾರೆ.
ನಕಾರಾತ್ಮಕ ಪರಿಣಾಮಗಳಿಗೆ ಕಾರಣ: ಮಗುವಿನ ಮಾನಸಿಕ ಆರೋಗ್ಯದ ಮೇಲೆ ಅಸ್ವಸ್ಥತೆ ಮತ್ತು ಅದರ ಪ್ರಭಾವವನ್ನು ಅಧ್ಯಯನ ಮಾಡಿದ ಶರ್ಮಾ ಅವರು, 'ಫ್ರೀ ಫೈರ್' ನಂತಹ ಆನ್ಲೈನ್ ಗೇಮಿಂಗ್ ಬಾಲಕರಲ್ಲಿ ಮಾನಸಿಕ ಅಸ್ವಸ್ಥತೆಯನ್ನು ಉಂಟುಮಾಡುತ್ತದೆ. ಆಟದೊಳಗಿನ ಸೋಲನ್ನು ನಿಭಾಯಿಸಲು ಮಕ್ಕಳ ಅಸಮರ್ಥತೆಯು ಆತ್ಮಹತ್ಯೆಯ ಆಲೋಚನೆಗಳು ಮತ್ತು ಮಾನಸಿಕ ಸ್ಥಿರತೆಯ ನಷ್ಟ ಸೇರಿದಂತೆ ನಕಾರಾತ್ಮಕ ಪರಿಣಾಮಗಳಿಗೆ ಕಾರಣವಾಗುತ್ತದೆ ಎಂದು ಅವರು ವಿವರಿಸಿದ್ದಾರೆ.
ಇದನ್ನೂ ಓದಿ: ಒಡಿಶಾ ತ್ರಿವಳಿ ರೈಲು ಅಪಘಾತ ಕೇಸ್: ಸಿಬಿಐ ಬಂಧಿತ ಮೂವರು ಅಧಿಕಾರಿಗಳು ಸೇರಿ 7 ರೈಲ್ವೆ ನೌಕರರ ಅಮಾನತು
