ರಾಜ್ಕೋಟ್: ಎಲ್ಲೆಡೆಯೂ ಬೆಳಕಿನ ಹಬ್ಬ ದೀಪಾವಳಿಗೆ ಸಂಭ್ರಮ, ಸಡಗರದಿಂದ ಭರದ ತಯಾರಿ ನಡೆಯುತ್ತಿದೆ. ಹಬ್ಬದಲ್ಲಿ ಅಲಂಕಾರ, ಪಟಾಕಿ ಎಷ್ಟು ಆಕರ್ಷಕವೋ, ಅಂತೆಯೇ ಬಗೆ ಬಗೆಯ ಸಿಹಿತಿಂಡಿಗಳು ಇನ್ನೂ ಆಕರ್ಷಕವಾಗಿರುತ್ತದೆ. ಇಲ್ಲೊಬ್ಬರು ರಾಜ್ಕೋಟ್ನ ಧೋರಾಜಿಯಲ್ಲಿರುವ ಗೌತಮ್ ಸ್ವೀಟ್ಸ್ ಮಳಿಗೆಯ ಮಾಲೀಕರು 24 ಕ್ಯಾರೆಟ್ ಚಿನ್ನದ ಲೇಪ(Foil) ಇರುವ ಸ್ವೀಟ್ಸ್ ತಯಾರಿಸಿದ್ದಾರೆ.
ಈ ಸಿಹಿತಿಂಡಿಗೆ ಕೆಜಿಗೆ 12,000 ರೂ ಬೆಲೆ. ಕಾಜೂ ಗೋಲ್ಡನ್ ಶೀಲ್ಡ್, ಗೋಲ್ಡನ್ ಬಾದಾಮಿ, ವಾಲ್ನಟ್, ಪಿಸ್ತಾ, ಹಾಗೂ ಅಂಜೂರದ ಹಣ್ಣಗಳನ್ನು ವಿಶೇಷವಾಗಿ ಬಳಸಿ ಚಿನ್ನದ ಲೇಪಿತ ಸಿಹಿತಿಂಡಿಗಳನ್ನು ತಯಾರಿಸಲಾಗಿದೆ. ಧೋರಾಜಿ ಪಂಥಕ್ ಹಾಗೂ ರಾಜ್ಕೋಟ್ ಜಿಲ್ಲೆಗಳಲ್ಲಿ ಮೊದಲ ಬಾರಿಗೆ ಈ ರೀತಿ ಚಿನ್ನದ ಲೇಪಿತ ಸಿಹಿತಿಂಡಿಯನ್ನು ತಯಾರಿಸಲಾಗಿದೆ. ಈ ಸಿಹಿಯನ್ನು ವಿಶೇಷವಾಗಿ ಲಕ್ಷ್ಮಿ ಪೂಜೆಯಲ್ಲಿ ಬಳಸಲಾಗುತ್ತದೆ.
ಐದು ಬಗೆಯ ಡ್ರೈ ಫ್ರುಟ್ಸ್ ಹಾಕಿ ತಯಾರಿಸಿರುವ ಈ 24 ಕ್ಯಾರೆಟ್ ಚಿನ್ನ ಲೇಪಿತ ಈ ವಿಶೇಷ ಸಿಹಿತಿಂಡಿಯನ್ನು ಲಕ್ಷ್ಮಿ ಪೂಜೆಯ ವೇಳೆ ಇಡಲಾಗುತ್ತದೆ. ವೃತ್ತಿಯಲ್ಲಿ ವ್ಯಾಪಾರಿಗಳು, ಲಕ್ಷ್ಮಿ ಪೂಜೆಯ ಸಂದರ್ಭದಲ್ಲಿ ಈ ವಿಶೇಷ ಸಿಹಿತಿಂಡಿಯನ್ನು ಇಡುವುದರಿಂದ ಮುಂದೆ ವ್ಯಾಪಾರದಲ್ಲಿ ಹೆಚ್ಚು ಲಾಭವಾಗುತ್ತದೆ ಎಂದು ನಂಬಲಾಗುತ್ತದೆ ಎಂದು ಈ ಸಿಹಿತಿಂಡಿಯನ್ನು ತಯಾರಿಸಿದ ಅಂಗಡಿ ಮಾಲೀಕ ಹೇಳುತ್ತಾರೆ.
ಈ 24 ಕ್ಯಾರೆಟ್ ಚಿನ್ನದ ಲೇಪವಿರುವ ಸ್ವೀಟ್ಸ್ ಧೋರಜಿಯ ಸ್ಟೇಷನ್ ರಸ್ತೆಯಲ್ಲಿರುವ ಗೌತಮ್ ಸ್ವೀಟ್ಸ್ನಲ್ಲಿ ದೊರೆಯುತ್ತದೆ. ಒಂದು ಕೆಜಿ ಸ್ವೀಟ್ಸ್ ಖರೀದಿಸಲು ಸಾಧ್ಯವಾಗದೇ ಇರುವವರು ಲಕ್ಷ್ಮಿ ಪೂಜೆಗೆ 250 ಗ್ರಾಂ ಖರೀದಿಸಿ ಲಕ್ಷ್ಮೀ ಪೂಜೆಗೆ ಇಡುತ್ತಾರೆ.
ಇದನ್ನೂ ಓದಿ: ದೀಪಾವಳಿ: ಕೈದಿಗಳಿಂದ ರುಚಿರುಚಿಯಾದ ಸಿಹಿತಿಂಡಿ ತಯಾರಿ, ಮಾರಾಟ- ವಿಡಿಯೋ
