ಬಲ್ಲಿಯಾ (ಉತ್ತರ ಪ್ರದೇಶ): ಉತ್ತರ ಪ್ರದೇಶದಿಂದ ಇಬ್ಬರು ಅಪ್ರಾಪ್ತೆಯರ ಅಪಹರಣ ಮಾಡಿ ಹೈದರಾಬಾದ್ಗೆ ಕರೆತರಲಾಗಿದ್ದು, ಇಲ್ಲಿ ಅವರ ಮೇಲೆ ಅತ್ಯಾಚಾರವೆಸಗಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. 12 ಹಾಗೂ 16 ವಯಸ್ಸಿನ ಇಬ್ಬರು ಬಾಲಕಿಯರ ಮೇಲೆ ಈ ದುಷ್ಕೃತ್ಯ ನಡೆದಿದೆ ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿರಿ: Alcohol Delivery ಪ್ಲಾಟ್ಫಾರ್ಮ್ನಿಂದ ಮೋಸ ಹೋದ ನಟಿ ಶಬಾನಾ ಅಜ್ಮಿ!
ಉತ್ತರ ಪ್ರದೇಶದ ನರ್ಹಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ವಾಸವಾಗಿದ್ದ ಇಬ್ಬರು ಬಾಲಕಿಯರು ಇವರಾಗಿದ್ದಾರೆಂದು ಸಬ್ ಇನ್ಸ್ಪೆಕ್ಟರ್ ಧರ್ಮೇಂದ್ರ ಸಿಂಗ್ ಮಾಹಿತಿ ನೀಡಿದ್ದಾರೆ. ಜೂನ್ 14ರಂದು ಇವರ ಅಪಹರಣ ಮಾಡಲಾಗಿದ್ದು, ಎರಡು ದಿನಗಳ ನಂತರ ಬಾಲಕಿಯ ತಂದೆ ಅಪಹರಣವಾಗಿರುವ ಬಗ್ಗೆ ದೂರು ದಾಖಲು ಮಾಡಿದ್ದರು.
ಇವರ ಅಪಹರಣದ ಹಿಂದೆ ಅದೇ ಗ್ರಾಮದ ವ್ಯಕ್ತಿಯ ಕೈವಾಡವಿದೆ ಎನ್ನಲಾಗಿದ್ದು, ಹೈದರಾಬಾದ್ಗೆ ಕರೆತರುತ್ತಿದ್ದಂತೆ ಇವರ ಮೇಲೆ ಅತ್ಯಾಚಾರವೆಸಗಲಾಗಿದೆ ಎಂದಿದ್ದಾರೆ. ಬಾಲಕಿಯರಿಬ್ಬರು ನೀಡಿರುವ ಮಾಹಿತಿ ಆಧಾರದ ಮೇಲೆ ಇದೀಗ ಐಪಿಸಿ ಸೆಕ್ಷನ್ 366,376 ಅಡಿ ದೂರು ದಾಖಲು ಮಾಡಿಕೊಳ್ಳಲಾಗಿದ್ದು, ಅವರಿಬ್ಬರನ್ನ ವೈದ್ಯಕೀಯ ಪರೀಕ್ಷೆಗೊಳಪಡಿಸಲಾಗಿದೆ ಎಂದಿದ್ದಾರೆ.
ಬಾಲಕಿಯರ ಅಪಹರಣ ಮಾಡಿರುವ ಆರೋಪಿಗಳಿಗೋಸ್ಕರ ಇದೀಗ ಶೋಧಕಾರ್ಯ ಆರಂಭಿಸಲಾಗಿದ್ದು, ಆದಷ್ಟು ಬೇಗ ಅವರನ್ನ ಬಂಧನ ಮಾಡುವುದಾಗಿ ತಿಳಿಸಿದ್ದಾರೆ.
