1. उत्तराखंड मा कोरोना की रफ्तार: उत्तराखंड मा कोरोना का मामलौ मा लगातार बढ़ोत्तरी हुणी च, आज प्रदेश मा कोरोना का 772 नया मरीज समणि ऐनी. एक जनवरी बटि अभी तक प्रदेश मा कोरोना संक्रमितूं की संख्या 85,848 ह्वेगी. जबकि कोरोना से मन्न वालौ की संख्या 210 च, प्रदेश मा कोरोना संक्रमित मरीजों कू रिकवरी रेट 85.31 प्रतिशत च.
2. 10 से 12 फरवरी तक पीएम मोदी कू उत्तराखंड दौरा: उत्तराखंड विधानसभा चुनौ प्रचार का अंतिम दिनों मा बीजेपी का प्रचार थै गति दिणा खुण पीएम मोदी 10 से 12 तक उत्तराखंड का दौरा पर रला. ये दौरान पीएम मोदी की श्रीनगर, अल्मोड़ा और रुद्रपुर मा जनसभाओं कू कार्यक्रम प्रस्तावित च. अपणा विशेष विमान से पीएम 10 फरवरी दोपहर 12 बजि श्रीनगर गढ़वाल पौचि यख एक जनसभा थै संबोधित करला वखि, 11 फरवरी अल्मोड़ा और 12 फरवरी रुद्रपुर मा पीएम मोदी जनसभाओं थै संबोधित करला.
3. पीएम मोदी ना हल्द्वानी मा करि वर्चुअल रैली: उत्तराखंड विधानसभा चुनौ मा वोटिंगा खुण एक हफ्ता से भी कम समय बच्यू च, यन मा प्रदेश की सत्ता पर दुबारा काबिज हुणा खुण बीजेपी का सबि स्टार प्रचारक ताबड़तोड़ जनसभा करेकि, वोटरों से ऊंका पक्ष मा मतदान कना की अपील कना छिन, ये क्रम मा आज प्रधानमंत्री मोदी ना हल्द्वानी मा वचुर्अल रैली थे संबोधित करि. साथ ही अपणी सरकार की उपलब्धि और कांग्रेस की नाकामियों थै गिणाई. ये दौरान पीएम मोदी ना कांग्रेस की चुनावी कैंपेन पर भी सवाल उठैन.
4. राजनाथ सिंह ना बोली- कांग्रेस ना छिनी राज्य कू विशेष दर्जा: बीजेपी का वरिष्ठ नेता और देश का रक्षा मंत्री राजनाथ सिंह ना आज कुमाऊं पौचि गंगोलीहाट और जागेश्वर विधानसभा सीटों मा चुनावी जनसभाओं थै संबोधित करि. ये दौरान अपणा संबोधन में राजनाथ सिंह ना बोली कि उत्तराखंड थै अटल जी ना विशेष राज्य कू दर्जा दै छ्या लेकिन कांग्रेस की सत्ता मा वापसी हुणा का बाद यू दर्जा वापस लिये ग्या. राजनाथ ना बोलि- कांग्रेस पुष्कर धामी थै 'फ्लावर' समझणी च, लेकिन पुष्कर धामी 'फ्लावर' और 'फायर' द्विया छिन.
5. घोषणा पत्र थै लेकि बीजेपी पर कांग्रेस ना कसी तंज: उत्तराखंड विधानसभा चुनौ खुण 14 फरवरी का दिन मतदान सुनिश्चित च, यना मा अब पार्टियों का पास अब एक हफ्ता से भी काफी कम समय बच्युं च, लेकिन अबतक बीजेपी ना अपणु चुनावी घोषणा-पत्र जारी नि करि. जै पर कांग्रेस ना बीजेपी पर तंज कसी. कांग्रेस का राष्ट्रीय प्रवक्ता गौरव वल्लभ ना बोली- जु अपणु घोषणा-पत्र तक नि लिख सकदिन, यन नेताओं थै चुनौ से पेलि ही त्याग पत्र दे दिण चैंद, वु युवाओं थै क्या खाक रोजगार द्याला.
6. उत्तराखंड की बदहाली खुण भ्रष्ट नेता जिम्मेदार: आम आदमी पार्टी ना उत्तराखंड विधानसभा चुनौ मा झोंकी पूरी ताकत, ईटीवी भारत से पार्टी का संयोजक और दिल्ली सीएम अरविंद केजरीवाल ना अपणा एजेंडा पर करि बात, केजरीवाल ना बोली- उत्तराखंड मा आम आदमी पार्टी की सरकार बनणा का बाद, गैरसैंण थै बणला स्थायी राजधानी, उत्तराखंड की बदहाली खुण भ्रष्ट नेता जिम्मेदार, स्विस बैंक मा जमा नेताओं कू पैसा. आप की सरकार बनणा का बाद फ्री बिजली, फ्री पानी के साथ एक लाख युवाओं थै हर साल द्यला रोजगार.
7- उत्तराखंड चुनौ मा पार्टियों का बीच आरोप-प्रत्यारोप कू दौर जारी: कांग्रेस का राष्ट्रीय प्रवक्ता गौरव वल्लभ ना उत्तराखंड मा खनन थै लेकि सीएम पुष्कर सिंह धामी पर हमलावर, ऊन बोली- कि अगर खनन घोटालों थै लेकि अगर कुई नोबल पुरस्कार हुंद तवु वैका हकदार सीएम पुष्कर सिंह धामी ही हुंदा. ऐले कि उत्तराखंड मा धामी सरकार ना खनन मा कई घोटाला करया छिन.
8. काशीपुर मा नकली दवा फैक्ट्री कू भंडाभोड़: उत्तराखंड पुलिस ना एक बार फिर नकली दवा फैक्ट्री कू भंडाफोड़ करि. थाना कुंडा क्षेत्र मा पुलिस न एक मकान मा छापेमारी कर एक नकली दवा फैक्ट्री कू भंडाभोड़ करि. पुलिस ना मौका बटि करोड़ों की नकली दवा और रॉ मेटरियल भी बरामद करि, वखि 10 लौखु थै भी ये मामला मा पुलिस ना गिरप्तार करि.
9. उत्तराखंड मा फिर बदल सकदु मौसम कू मिजाज: उत्तराखंड मा एक बार फिर मौसम विभाग ना बारिश और बर्फबारी की आशंका जतई च, मौसम का पूर्वानुमान का मुताबिक, भौल प्रदेश का अधिकांश हिस्सों में बारिश और ऊंचाई वला इलाकों मा बर्फबारी की संभावना च, हालांकि, प्रदेश मा 10 से 14 फरवरी तक मौसम ठीक रैणा की संभावना च. मौसम विभाग का निदेशक विक्रम सिंह का मुताबिक, मतदान का दिन प्रदेश मा मौसम साफ रालु हालांकि, 15 फरवरी से कुछेक स्थानों पर बारिश का आसार छिन.
10. औली मा नेशनल स्की एंड स्नो बोर्ड चैंपियनशिप: विश्व प्रसिद्ध हिमक्रीड़ा स्थल औली मा विंटर गेम्स चना छिन. यन मा आज दूसरा दिन विंटर गेम्स मा खिलाड़ी जोर अजमाइश लग्या छिन. वखि जम्मू-कश्मीर बटि 22 वर्षीय सना अफजल मीर भी खेल मा प्रतिभाग कना खुण औली पौचि च, यू दूसरा मौका च जब सना विंटर गेम्स मा प्रतिभाग कना खुण औली पौचणि च.
