वायरल ह्वे ऋतु खंडूड़ी कु नियुक्ति पत्र: उत्तराखंड विधानसभा भर्ती घोटाला लगातार चर्चाऊं मा च. भर्ती घोटाला का बाद विधानसभा अध्यक्ष ऋतु खंडूड़ी न सख्त रुख अपनै. ज्या का तहत ऊंन साल 2011 का बाद उत्तराखंड विधानसभा मा 228 नियुक्तियूं थै रद्द करी. अब विधानसभा भर्ती घोटाला मा नयू मोड ऐ गी. अब सोशल मीडिया मा विधानसभा अध्यक्ष ऋतु खंडूड़ी द्वारा नियुक्त तीन कर्मचारियूं कु आदेश पत्र वायरल होंणू च, ज्या का बाद अब ऋतु खंडूड़ी पर सवाल उठणा छन.
CDS अनिल चौहान का गौं पौंछि ईटीवी भारत: (रि) लेफ्टिनेंट जनरल अनिल चौहान थै देश कु नयु सीडीएस(Lt Gen Anil Chauhan new CDS) नियुक्त करे गी. अनिल चौहान का सीडीएस नियुक्त होंणा बाद ईटीवी भारत ऊंका गौ गवांणा (ETV bharat reaches CDS Anil Chauhan village) पौंछि. CDS अनिल चौहान का गौ गवांणा (Gawana village of CDS Anil Chauhan) मा जश्न कु माहौल च. CDS अनिल चौहानै ई उपलब्धि से हर क्वी खुश च.
30 सितंबरौ पद संभलला CDS अनिल चौहान: नव नियुक्त CDS अनिल चौहान 30 सितंबरौ दूसरा चीफ ऑफ डिफेंस स्टाफ का रूप मा पदभार संभालला. या का बाद वु सरकारी अधिकारियूं और भारतीय रक्षा बलूं का अधिकारियूं से मुलाकात करला. अनिल चौहान भारत सरकार का सैन्य मामलों का विभाग का सचिव का रूप मा भी काम करला. बथै द्या CDS अनिल चौहान पौड़ी जिला का गवांण गौं का रौंण वाला छन.
डोभ-श्रीकोट पौंछिन तीरथ सिंह रावत: अंकिता भंडारी मर्डर केस (Ankita Bhandari Murder Case) का बाद नेताऊं कु डोभ श्रीकोट पौंछणौ सिलसिला जारी च. ई कड़ी मा आज गढ़वाल सांसद तीरथ सिंह रावत भी डोभ श्रीकोट पौंछिन. यख गढ़वाल सांसद तीरथ सिंह रावत न अंकिता भंडारी का परिजनूं से मुलाकात करी. ये दौरान तीरथ सिंह रावत न पीड़ित परिवार थै सांत्वना दिनी. दगड़ा मा ही ऊंन अंकिता का परिजनूं की हर संभव मदद कन्नै बात बोली.
हरिद्वार पंचायत चुनाव मा भाजपा जीतै ओर: राज्य गठन का बाद अबरी भाजपा न हरिद्वार पंचायत चुनाव (BJP in Haridwar Panchayat elections) मा सबसे बेहतर प्रदर्शन करी. हरिद्वार जिला पंचायतै (Haridwar Panchayat Election) 11 सीटूं पर अभी तक बीजेपी न कब्जा करेली. भाजपा न सबसे अच्छू प्रदर्शन लक्सर, हरिद्वार ग्रामीण और रानीपुर विधानसभा सीटूं पर करी. हरिद्वार ग्रामीण मा बीजेपी न 4 में से 3 सीट जीतनी. लक्सर मा भी भाजपा न 3 सीटूं पर कब्जा करी. रानीपुरै द्वी सीटूं पर भी भाजपा न विजय हासिल करी.
हिमाचल चुनाव मा प्रचार करला उत्तराखंड का नेता: हिमाचल विधानसभा चुनाव मा उत्तराखंड भाजपा का नेता चुनाव प्रचार करला. ये मैना का आखिर मा 49 नेता हिमाचल जाला. उत्तराखंड का यू वरिष्ठ और अनुभवी नेता हिमाचल मा चुनाव प्रबंधनै कमान संभालला. केंद्रीय नेतृत्व न हिमाचल प्रदेशै 19 विधानसभा सीटूं पर उत्तराखंड का नेताऊं थै जिम्मेदारी दिनी.
देहरादून मा आयोजित होली मैराथन: सरदार वल्लभ भाई पटेलै जंयती पर उत्तराखंड पुलिस रन फॉर यूनिटी कु आयोजन करली. यां का तहत देहरादून मा मैराथन कु आयोजन किये जालू. ई मैराथन मा 21 किलोमीटर और 10 किलोमीटरै दौड़ करये जाली. यां मा विजेता प्रतिभागियूं थै ₹10 लाख रुप्या की राशि दिये जाली. 30 अक्टूबरौ उत्तराखंड पुलिस देहरादून मैराथन कु चौथूं संस्करण आयोजित करली.
चारधाम यात्रा मा बढणी यात्र्यूं की संख्या: चारधाम यात्रा मा एक बार फिर से तीर्थयात्रियूं की संख्या बढ़ण लग गी. हालांकि मौसम खराब होंण का कारण यात्रियूं थै परेशानी भी होंणी च. यां का बाद भी बदरीनाथ, केदारनाथ, गंगोत्री व यमुनोत्री धाम मा यात्र्यूं की संख्या दिनों-दिन बढणी च. अक्टूबर मैना मा दीपावली तक हेली सेवा की बुकिंग भी फुल ह्वे गीन.
ध्यान गुफा की बुकिंग अक्तूबर तक फुल: केदारनाथ धाम स्थित ध्यान गुफा मा आगामी अक्तूबर तक गढ़वाल मंडल विकास निगमै बुकिंग फुल ह्वे गीन. यात्राकाल मा मई से सितंबर तक अभी तक ध्यान गुफा मा 43 श्रद्घालुऊं न योग साधना करी. केदारपुरी मा भी द्वी और गुफा बणये गीन, ज्या मा से एकौ संचालन किये जांणू च. गढ़वाल मंडल विकास निगम न बथै मई मा 14, जून मा 8, जुलाई मा 8, अगस्त मा 6 और सितंबर मा अभी तक 7 यात्री ध्यान गुफा पौंछिन.
उत्तराखंड मा कोरोना का मामला: उत्तराखंड मां धीरे-धीरे कोरोना का मामलौ मा कमी औंणी च. सरकार और स्वास्थ्य विभाग यां कु थै लेकी लगातार प्रयास कन्ना छन. आज प्रदेश मा कोरोना का 12 नया मामला समणि ऐनी, ज्या का बाद प्रदेश मा कोरोना संक्रमितू की संख्या 104,100 ह्वे गी, जबकि यां से मन्न वालौ की संख्या 332 च.
