अपणुं उत्तराखंडः दिनभरै खास खबर, एक नजर मा

दिनभरै खास खबर, एक नजर मा

• 6 सीटों पन कांग्रेस की माथापच्ची
  उत्तराखंड विधानसभा चुनाव कु लेकी कांग्रेस अबी तक 70 सीटों मा से 64 विधानसभा सीटों पर प्रत्याशियों क घोषणा कर चुकीं च, बाकी बचीं 6 सीटों पन प्रत्याशियों कु लेकी बुधवार खूब माथापच्ची ह्वाई. बैठक मा कमजोर प्रत्याशी अर बचीं 6 सीटों पन चर्चा ह्वाई. बैठक क बाद पूर्व सीएम हरीश रावत न बोली कि, 27 जनवरी तक प्रत्याशियों की आखिरी सूची जारी कर दिये जाली. रावत न बोली कि क्वी सीट पर प्रत्याशी नी बदलू जाल.
  
• सीएम धामी करला खटीमा बिटीं नामांकन
  चुनाव की बात करां त सीएम पुष्कर सिंह धामी की विधानसभा होण कु कारण खटीमा अबी प्रदेश क सबसे हॉट विधानसभा सीट बणी च. बुधवार कु सीएम धामी खटीमा पौंचिन अर कार्यकर्ताओं दगड़ी बैठक कौरी. ये का दगड़ी धामी खटीमा बिटीं भ्वाल अपरा नामांकन दाखिल करला.
  
  
• पीएम मोदी न पैनी पहाड़ी टोपी
  आज देश क 73वें गणतंत्र दिवस क मौका पन प्रधानमंत्री नरेंद्र मोदी न ब्रह्मकमल लगी पहाड़ी टोपी पैनी, ई टोपी सबी का आकर्षण क केंद्र बणी रैई. बतै द्यां कि आज क तकनीकी युग क समय मा पहाड़ी परंपरा अर संस्कृति कु पुनर्जीवित कन कु लेकी ई टोपी क प्रचलन क शुरुआत बाबा काशी विश्वनाथ क नगरी उत्तरकाशी से हुईं च अर फिलहाल ई टोपी मसूरी मा बनाई जाणि च.
  
• उत्तराखंड क झांकी न बढ़ै मान
  वखी, देश क 73वें गणतंत्र दिवस क मौका पन राष्ट्रीय राजधानी दिल्ली क राजपथ पर परेड मा उत्तराखंड की झांकी भी शामिल किये ग्याई. परेड मा उत्तराखंड की झांकी मां हेमकुंड साहिब गुरुद्वारा, डोबरा-चांठी पुल, टिहरी झील अर बदरीनाथ मंदिर दर्शै ग्याई च. उत्तराखंड राज्य गठन क बाद अब 13वीं बार उत्तराखंड की झांकी तैं राजपथ की परेड मा शामिल किये ग्यै च.
  
• देहरादून मा मणै ग्याई गणतंत्र दिवस
  73वें गणतंत्र दिवस क मौके पन देहरादून मा राज्यपाल गुरमीत सिंह न ध्वजारोहण कौरी. ये का बाद राज्यपाल न प्रदेश मा उत्कृष्ट कार्य कन वालु पुलिसकर्मियों तैं सम्मानित भी कौरी. पुलिसकर्मियों न ये मौका पन शानदार परेड प्रस्तुत कौरी. सिविल पुलिस लाइन क साथ पीएससी, महिला पुलिस दस्ता, सीपीयू कर्मी, फायर बिग्रेड क कर्मचारी अर पुलिस संचार टीम परेड मा शामिल ह्वाइन.
  
• बाबा न बणै ओमीक्रोन क दवै!
  ये का दगड़ी गणतंत्र दिवस क मौके पन पतंजलि योगपीठ मा योग गुरु बाबा रामदेव न 108 फीट ऊंचा तिरंगा फहरेई. ये मौका पन कोरोना क तीसरी लहर अर ओमीक्रोन कु लेकी रामदेव न बोली कि ऊ न कोरोना की दवै भी बनै छै अर ओमीक्रोन क ऊपर भी ऊं का पैला रिसर्च पूरू ह्वै ग्याई च. ऊं का साइंटिस्टों नओमीक्रोन क 100 फीसदी दवा ऊ न तैयार कर ली च.
  
• ज्योति रौतेला तैं मीली महिला कांग्रेस क कमान
  सरिता आर्य क पार्टी छुड़न कु बाद ज्योति रौतेला तैं उत्तराखंड महिला कांग्रेस क अध्यक्ष नियुक्त किये ग्यै च. ऊं का साथ कमलेश रमन, अल्का पाल, भागीरथी बिष्ट अर आशा मनोरमा डोबरियाल शर्मा तैं कांग्रेस महिला कांग्रेस मा वरिष्ठ उपाध्यक्ष पद पर नियुक्ती दिये ग्यै च.
  
• कैंट बिटीं धस्माना क विरोध तेज
  कैंट विधानसभा सीट बिटीं कांग्रेस प्रत्याशी सूर्यकांत धस्माना क विरोध तेज ह्वै ग्याई च. कांग्रेस बिटीं कैंट विधानसभा मा पुनर्विचार किए जाण अर इस सीट क दावेदार वीरेंद्र पोखरियाल क समर्थन मा आज कई राज्य आंदोलनकारी महिलाओं न कांग्रेस प्रदेश मुख्यालय मा धरना देई. साथ ही भजन कीर्तन कर अपरा विरोध भी दर्ज कराई. ये दौरान महिला आंदोलनकारी क आंखों मा आंसू भी ऐ ग्येन.
  
• कांग्रेस छोड़ी राजपाल बीजेपी मा शामिल
  झबरेड़ा विधानसभा सीट पन कांग्रेस क टिकट पर द्वी बार चुनाव लड़्यां राजपाल न अपरा दर्जनों समर्थकों क दगड़ी बीजेपी ज्वॉइन कर लेई. वखी राजपाल तैं पार्टी मा शामिल कराण कु लेकी झबरेड़ा विधायक देशराज कर्णवाल क समर्थकों न काफी हंगामा कौरी. ई दौरान कर्णवाल क समर्थन मा कई समर्थक पार्टी कार्यालय क समणि धरना पर बैठ ग्येन.
  
• बीता 24 घंटा मा 2904 नया कोरोना मरीज
  कोरोना की बात करां त, उत्तराखंड मा बीता 24 घंटे क भितर प्रदेश मा 2904 नया कोरोना मरीज मीली छन. यन मा एक्टिव केसों क संख्या बौढ़ी कन 32,880 ह्वै ग्ये च. 4 कोरोना मरीजों की मौत भी ह्वे च. वखी 1,241 मरीज ठीक भी ह्वाई छन. उत्तराखंड स्वास्थ्य विभाग क मुताबिक, एक जनवरी 2022 से अबीतक प्रदेश मा कुल 65,175 मामला समणि ऐनी, जै मा से 30,271 मरीज ठीक ह्वै गेन.
  
• पहाड़ों मा पड़णी हाड़ कंपाण वाल ठंड
  वखी, बीती 4 दिनों बिटीं उत्तरकाशी क ऊंचाई वाल इलाकों मां भारी बर्फबारी जारी च त निचला क्षेत्रों मां बारिश क कारण हाड़ कंपा देण वाली ठंड पड़नी च. भटवाड़ी क हर्षिल, मोरी अर बड़कोट क गीठ अर सर बडियार क्षेत्र क करीब 30 गांवों मां बर्फबारी ह्वाण से जनजीवन बुरी तरह अस्त-व्यस्त ह्वा ग्याई च. तापमान मा गिरावट आण से गंगोत्री धाम मा भागीरथी नदी जमी ग्यै च.