अपणुं उत्तराखंडः दिनभरै खास खबर, एक नजर मा

दिनभरै खास खबर, एक नजर मा

• हरक कु मीली हाथ क साथ
  वखी, आज क सबसे बड़ी राजनीतिक खबर मा हरक सिंह रावत क कांग्रेस मा वापसी च. बीजेपी से निष्कासित किए जाण क बाद पूर्व कैबिनेट मंत्री हरक सिंह रावत कांग्रेस मा शामिल ह्वै गेन. पिछला 5 दिन बिटीं दिल्ली मा जमी कन बैठ्यां हरक सिंह रावत न अपणि ब्वारी अनुकृति दगड़ी कांग्रेस की सदस्यता ग्रहण कौरी. ऊं तैं खुद हरीश रावत न कांग्रेसी पटका पैना कन स्वागत कौरी. खबरों का मुताबिक कांग्रेस न कई शर्तों क साथ हरक सिंह रावत तैं कांग्रेस मा शामिल करै च.
  
• न्याय देवता कु पास पौंचिन सीएम धामी
  चुनाव कु लेकी बीजेपी की पैली लिस्ट जारी होण क बाद कुमाऊं मा वोटरों कु साधन अर बीजेपी कु बढ़त दिलाण कु लेकी सीएम पुष्कर धामी न चितई मंदिर से चुनावी दंगल की शुरूआत कर द्याई च. ये कड़ी मा सीएम शुक्रवार तैं अल्मोड़ा पौंचिन. यख उन्होंन चितई मंदिर मा गोलू देवता का दर्शन कौरीन अर जीत क आशीर्वाद मांगी. दर्शन क बाद मुख्यमंत्री धामी न अल्मोड़ा मेडिकल कॉलेज क निरीक्षण भी कौरी.
  
  
• डीडीहाट सीट पन हरदा क जोड़ जुगत
  पूर्व मुख्यमंत्री हरीश रावत कु लेकी कांग्रेस कुमाऊं मा 3 सीटों पर संभावना तलाशनी च. रामनगर, सल्ट अर डीडीहाट सीट मा हरीश रावत कु गणित बैठान की जोड़ जुगत चलणि च. पर रामनगर अर सल्ट सीट पर रणजीत रावत मुश्किल खड़ी कर सकदन. यन मा डीडीहाट सीट पर ही हरीश रावत तैं लड़ाण कु तैयारी चलणि च. ये का पैली डीडीहाट क कांग्रेस कार्यकर्ता भी पिछला 25 साल क सूखा खत्म करन कु लेकी हरीश रावत तैं निमंत्रण दे चुक्यां छन.
  
• चुनाव तारीख बदलन क मांग
  चुनाव आयोग द्वारा पंजाब विधानसभा चुनावों की तिथि मा बदलाव कु बाद अब उत्तराखंड मा भी विधानसभा चुनाव क तारीख बदलन की मांग उठण शुरू ह्वै ग्याई च. निर्दलीय प्रत्याशियों दगड़ी कई बड़ा नेता भी चुनाव क तिथि बदलने की मांग करणा छन. ऊं की मांग च कि प्रदेश की भौगोलिक परिस्थिति कु मद्देनजर मतदान मार्च क पौला हफ्ता मा ठीक रैला.
  
• बढ़ण लग्यां कोरोना केस
  उत्तराखंड मा तेजी से बढ़ण लग्यां कोरोना केसों क कारण सरकार अर स्वास्थ्य विभाग क चिंता बौढ़ी ग्यै च. बीता 24 घंटे मा प्रदेश मा 4964 (चौंसठ) नया कोरोना मरीज मिली छन. एक्टिव केसों क संख्या बौढ़ी कन 26,950 ह्वै ग्यै च, जबकि, 8 कोरोना मरीजों क मौत ह्वै ग्याई च. पिछला 24 घंटा मा देहरादून मा सबसी ज्यादा 1489 संक्रमित मीली छन, हरिद्वार मा 706, नैनीताल मा 666 अर उधम सिंह नगर मा 485 केस समणि ऐनी.
  
• गणतंत्र दिवस पर नी ह्वाल सांस्कृतिक कार्यक्रम
  वखी कोरोना क बढ़दा मामला देखी कन प्रदेश मा 26 जनवरी पर ह्वाणु वाल सबी सांस्कृतिक कार्यक्रमों तैं रद्द कौरी द्यै ग्यै च. देहरादून जिलाधिकारी आर राजेश कुमार न गणतंत्र दिवस क तैयारियों अर व्यवस्थाओं का संबंध मा अधिकारियों-कर्मचारियों तैं आवश्यक दिशा निर्देश दिनी. ऊ न बोली कि गणतंत्र दिवस समारोह क कार्यक्रम कोविड प्रोटोकोल क तहत परेड मैदान मा आयोजित नी करे जालु, बस राज्यपाल ध्वजारोहण करला.
  
• श्रीनगर मा 5 डॉक्टर अर 18 स्टाफ संक्रमित
  उत्तराखंड मा कोरोना क कहर क बीच पौड़ी जिले क श्रीनगर मा 5 डॉक्टर समेत 18 स्टाफ कोरोना पॉजिटिव पाए ग्यै छन. कोरोना कु चलते श्रीनगर मेडिकल कॉलेज क ओपीडी मा भी बदलाव किये ग्यै च. यन मा सामान्य मरीजों तैं रोस्टर क हिसाब से देखी जालु. सोमवार, बुधवार अर शुक्रवार क दिन जनरल मेडिसिन विभाग, अस्थि रोग विभाग, नेत्र रोग विभाग, बाल रोग विभाग, दंत रोग विभाग, मनोरोग विभाग अर पीएमआर विभाग खोला जालु जबकि मंगलवार, गुरुवार अर शनिवार कु जरनल सर्जरी विभाग, टीवी चेस्ट विभाग, ईएनटी, स्त्री प्रसूता रोग विभाग, चर्म रोग अर रेडियो थरैपी विभाग खोला जाला.
  
• महिला पुलिस कॉन्स्टेबल क मौत
  सीमांत जनपद पिथौरागढ़ मा कोरोना की तीसरी लहर मा पैली मौत की खबर च. मृतक महिला पुलिस मा कॉन्स्टेबल छै. मृतक क पति कुछ दिन पैली कोरोना पॉजिटिव आयी छै. द्वी लोगों कु होम आइसोलेशन मा इलाज चलन लग्यूं छै, पर बीती रात महिला की तबीयत खराब ह्वै ग्याई, अस्पताल ले जाने क बीच महिला न दम तोड़ द्याई.
  
• ताबड़तोड़ कार्रवाई पर लगीं पुलिस
  प्रदेश मा लागू चुनाव आदर्श आचार संहिता क चलते पुलिस न यूपी बॉर्डर से लगी सूर्या चौकी बॉर्डर बिटीं 3 लाख रुपया के साथ एक व्यक्ति कु गिरफ्तार कौरी च. पूछताछ मा युवक पैसे क बारे मा सही जानकारी दी दे सकी जैका बाद पुलिस न पैसों तैं जब्त कौरी. युवक क नाम मोनिश च जू किशनपुर गामड़ी ठाकुरद्वारा मुरादाबाद क रहन वालु च. वखी हल्द्वानी मा भी काठगोदाम पुलिस ने एक कार से 2 लाख रुपया बरामद कौरीन.
  
• दुर्घटनाग्रस्त ह्वाई बारात वाहन
  वखी, पौड़ी जनपद क धुमाकोट कोतवाली क शंकरपुर इलाका मा बारातियों से भरी एक टेंपो ट्रैवल दुर्घटनाग्रस्त ह्वाण से 3 लोगूं क मौत ह्वै गे च, जबकि 18 लोग गंभीर रूप से घायल छन, यै मा दुल्हन संजय अर दुल्हन रेनू भी शामिल छन, सबी घायलों कु रामनगर क सरकारी अस्पताल मा उपचार चलण च. वाहन मा चालक सहित 21 बाराती शामिल छ्या. बारात दूल्हा कु लेकन वापस गाजियाबाद लौटणि छै.