अपणुं उत्तराखंडः दिनभरै खास खबर, एक नजर मा

दिनभरै खास खबर, एक नजर मा

• दिनों-दिन बढ़णा छन कोरोना केस
  उत्तराखंड मा तेजी से बढ़दू कोरोना केसों के बीच बीता 24 घंटा मा 4482 (बयासी) नया कोरोना मरीज समणि ऐनी. एक्टिव केसों की संख्या बढ़कर 20,620 पौंची ग्याई च जबकि, 6 मरीजों की मौत भी ह्वाई च. राहत की बात च कि 1865 मरीजों न कोरोना कु मात दी च. पिछला 24 घंटा मा सबसे ज्यादा देहरादून मा 1687 कोरोना मरीज मिली छन, वैका बाद नैनीताल मा 644 अर हरिद्वार में 582 मरीज पाई ग्यै छन. वखी उत्तराखंड मा ओमीक्रोन क अबतक कुल 93 मरीज छन, जै मा से 8 ठीक ह्वै गैन.
  
• पुलिस मुख्यालय मा भी संक्रमण तेज
  उत्तराखंड मा कोरोना की तीसरी लहर का कहर क बीच पुलिस मुख्यालय मा भी कोरोना संक्रमण तेजी से बढ़ण लग्यूं च. जानकारी क अनुसार, मुख्यालय मा अलग-अलग सेक्शन मा तैनात कई पुलिसकर्मी कोरोना संक्रमित ह्वै गैन. सबसे ज्यादा क्राइम सेक्शन मा तैनात 6 कर्मचारियों पॉजिटिव छन. अबतक 15 से अधिक कर्मचारियों की संक्रमित होण क सूचना च.
  
  
• बीजेपी केंद्रीय चुनाव समिति की बैठक
  उत्तराखंड विधानसभा चुनाव कु लेकी प्रदेश मा आम आदमी पार्टी अर सपा न अपणा प्रत्याशियों की सूची जारी कर दी च. पर अबी भी बीजेपी अर कांग्रेस मा प्रत्याशियों क सूची जारी करन कु लेकी बैठक का दौर जारी च. भ्वाल बुधवार कु दिल्ली मा बीजेपी की केंद्रीय चुनाव समिति की बैठक च, जै मा सीएम पुष्कर सिंह धामी भी मौजूद रैला. उम्मीद च कि बुधवार कु बीजेपी अपणा प्रत्याशियों की पहली सूची जारी भी कर सकदी.
  
• हरक कु कुकृत्य नी भूली कांग्रेस- मनोज रावत
  बीजेपी बिटीं हरक सिंह रावत क निष्कासन कु बाद कांग्रेस मा ऊं का आणु कु लेकी असमंजस की स्थिति च. वखी कई कांग्रेस नेता कतई नी चांदन कि हरक सिंह तैं कांग्रेस मा शामिल करै जा. कांग्रेस विधायक मनोज रावत भी हरक सिंह रावत क कांग्रेस ना आण कु विरोध कौरी, ऊ न बोली कि घड़ियाली आंसू का अब प्रदेशवासियों पर क्वी फर्क नी पड़न वालु. ऊ न बोली कि हरक स्वार्थी अर भ्रष्टाचारी छन, पिछला 5 साल मा ऊ न भाजपा मा रैही कन कांग्रेस क खिलाफ गलत बयानबाजी कौरी च. येका दगड़ी भाजपा की सरकार मा हरक सिंह रावत न कई घोटाला भी कौरी छन. साथ ही 2016 मा ऊं का किया कुकृत्य कांग्रेस कार्यकर्ता नी भूली छन.
  
• पुरोहितों न मांगी टिकट
  वखी केदारनाथ धाम क तीर्थ पुरोहितों न भाजपा सी चारों धाम की द्वी विधानसभा सीट पर टिकट द्याण की मांग कौरी च. पुरोहितों क बुलण च कि भाजपा न देवस्थानम बोर्ड भंग कर बदरी-केदार मंदिर समिति मा अपना कार्यकर्ता अध्यक्ष का तौर पर बनै दै छन, ई स्थिति मा तीर्थ पुरोहितों कु भी विधानसभा चुनाव मा टिकट मिलन चिंयाद. अर यन नी ह्वांदु च पुरोहित भाजपा क खिलाफ प्रचार-प्रसार करण कु साथ ही ऊं तैं हराण मा पूरी ताकत लगै दैला.
  
• मंत्री स्वामी यतीश्वरानंद कु नोटिस
  उत्तराखंड मा विधानसभा चुनाव कु लेकी आचार संहिता लग्यीं च. येका बीच हरिद्वार ग्रामीण बिटीं विधायक अर कैबिनेट मंत्री स्वामी यतीश्वरानंद क एक वीडियो वायरल व्हाणु च जै मा दिख्याणु च कि ऊ ग्राम धनपुरा मा जन संवाद करणा छन अर कंबल बंटणा छन, जू की आचार संहिता कु उल्लंघन च. कांग्रेस नेता गुरजीत सिंह लहरी क शिकायत क बाद हरिद्वार ग्रामीण क रिटर्निंग ऑफिसर पूरण सिंह राणा न मंत्री स्वामी यतीश्वरानंद कु नोटिस भेजी च.
  
• अब माघ मेले मा ह्वालु संत सम्मेलन
  धर्मनगरी हरिद्वार मा दिसंबर महीना मा ह्वाई धर्म संसद क चर्चाओं मा आण क बाद यूपी क अलीगढ़ मा भी 22, 23 जनवरी कु एक धर्म संसद प्रस्तावित छै पर चुनाव व कोविड की स्थिति दिख क बाद धर्म संसद तै स्थगित कौर दी ग्यै च. पर धर्म संसद क कोर कमेटी न फैसला कौरी च कि आण वाल 29 जनवरी कु प्रयागराज माघ मेले मा संत सम्मेलन का आयोजन किये जालु, यैका बाद अलग-अलग जगहों पर धर्म संसद कु आयोजन करै जालु.
  
• सचिवों कु हाईकोर्ट क नोटिस
  उत्तराखंड सचिवालय मा ह्वाण वाल नियुक्तियों कु चुनौती देण वाली याचिका पर नैनीताल हाईकोर्ट मा मंगलवार कु सुनवाई ह्वाई. वेकेशन जज न्यायमूर्ति एनएस धनिक की एकलपीठ न वीडियो कॉन्फ्रेंसिंग का जरिया सुनवाई कौरी, जै मा ऊ न विधानसभा सचिव अर सचिव कार्मिक कु नोटिस जारी कर 4 हफ्ता क भीतर जवाब द्याण कुन बोली च. बतै द्यां कि हाईकोर्ट न सचिवालय कु लेकी जारी 1 अक्टूबर 2021 की विज्ञप्ति कु चुनौती द्याण वाली याचिका पर सुनवाई कौरी छै.
  
• फायरिंग कन वालु तीन आरोपी गिरफ्तार
  हल्द्वानी क मुखानी थाना क्षेत्र क आरटीओ रोड कुसुमखेड़ा मा बीती सोमवार कु जमीन विवाद मा फायरिंग ह्वाई छै. ये मामला मा पुलिस न 3 लोगूं तैं गिरफ्तार कौरी च, साथ ही आरोपियों क कब्जा सी एक अवैध दो नाली बंदूक अर द्वी तमंचा भी बरामद कौरीन. येका अलावा आधा दर्जन कारतूस अर खोखे भी बरामद की ग्यैन. आरोपी न बतै च कि ऊ हथियारों तै पंजाब बिटी लाई छै. पुलिस न आरोपियों कु खिलाफ धारा 307, 504, 506 के तहत मुकदमा दर्ज कर ऊं तै जेल भेज दे च.
  
• एक दिवसीय जाखराजा मेले कु आयोजन
  वखी रुद्रप्रयाग मा मद्महेश्वर घाटी क सीमांत ग्राम पंचायत अर विसुणी ताल की तलहटी मा बस्यूं गड़गू गांव क बुग्यालों मा एक दिवसीय जाखराजा क मेला सादगी से मणै गैई. कोरोना व विधानसभा चुनाव क कारण लगीं आचार संहिता क नियमों क तहत सीमित संख्या मा भक्तों पौंचिन. ई दौरान जाखराजा की डोली क विशेष श्रृंगार कर डोली पर चांदी क विशाल छत्र अर्पित की ग्याई अर के गड़गू गांव पहुंचण पर एक दिवसीय मेले क समापन ह्वै ग्याई.