अपणुं उत्तराखंडः दिनभरै खास खबर, एक नजर मा

दिनभरै खास खबर, एक नजर मा

• अब त डराण लग्यूं कोरोना
  उत्तराखंड मा बीता 24 घंटे क भितर 3295 (पंचानबे) नया कोरोना मरीज मिल्या छन. यन मा एक्टिव केसों की संख्या बढ़कर 18,196(छियानबे) ह्वै ग्याई च जबकि, 4 कोरोना मरीजों की मौत भी ह्वाई च. वखी, 2067 (सड़सठ) मरीज ठीक भी व्हाई छन. देहरादून मा सबसे ज्यादा 987 (सत्तासी) कोरोना मरीज मिली छन, नैनीताल मा 546 (छियालीस) जबकि हरिद्वार मा 352 (बावन) मामला पिछला 24 घंटा में समणि ऐनी.
  
• हरक का आंखूं मा ऐ ग्येन आंसू
  भाजपा बिटीं बर्खास्त की जाण क बाद पूर्व कैबिनेट मंत्री हरक सिंह रावत न बोली कि ऊं तैं इ बारे मा क्यू जानकारी नी छै, ऊं तै त पूछी बी नी ग्यैई. वखी परिवारवाद अर अपणि ब्वारी अनुकृति तैं टिकट दिलाण की मांग कु लेकी सवाल पर हरक न बोली कि बीजेपी कु लोग सफेद झूठ बुलणा छन. सीएम धामी अपणा पाप, गुनाह अर गलतियों तैं छुपाण की खातिर यन बातों तैं बुलणा छन. ऊ न बस इतरा बोली छै कि यदि पार्टी कु लगदू कि अनुकृति न अच्छु काम कौरी च त पार्टी एक बार विचार कर सकदी.
  
  
• कांग्रेस मा जाण कु तैयार हरक
  वखी कांग्रेस मा जाण कु सवाल पर हरक सिंह रावत न बोली कि ऊ कांग्रेस दगड़ी बातचीत करणा कु तैयार छन. ऊं की कांग्रेस प्रदेश अध्यक्ष गणेश गोदियाल दगड़ी बात ह्वाई च. हालांकि, ऊ न बोली कि भाजपा न मनगंढ़त खबरों कु आधार पर ऊं पन कार्रवाई कौरी च. अब ऊ कांग्रेस पार्टी कु लेकी काम करला. ऊं तैं भरोसा च कि कांग्रेस पार्टी ही उत्तराखंड मा पूर्ण बहुमत की सरकार बणाली.
  
• मांगी मंगला हरक?
  हरक सिंह रावत त कांग्रेस मा जाण कु तैयार बैठ्यां छन पर पूर्व सीएम हरीश रावत अबी अपणा पुराना रुख मा कायम छन. हरीश रावत न बोला कि हरक कु लेकी पार्टी क ज्यू भी फैसला व्हालु ऊ सभी चीजों कु ध्यान में रखकर ही लिए जालु. हालांकि, अगर हरक सिंह रावत राज्य की जनता सी 2016 की गलती कु लेकी सार्वजनिक तौर पर माफी मांग लेदन त पार्टी में ऊं का स्वागत च.
  
• दलीप सिंह न हरक कु बतै ब्लैकमेलर
  हरक सिंह रावत क बीजेपी से निष्कासन क बाद पार्टी मा लैंसडाउन सीट पर छिड़ी जंग अब शांत ह्वै ग्याई च. लैंसडाउन बिटीं बीजेपी विधायक दलीप रावत न हरक सिंह रावत कु ब्लैकमेलर बतै च अर बोली कि बीजेपी न ब्लैकमेलिंग करण वालु नेता क खिलाफ यू एक्शन ल्याई च. ऊ न बोली कि हरक सिंह क्वी पार्टी की संस्कृति नी मनदा यही बात च कि ऊ पार्टी बदलता रहदां छन. बतै द्यां कि पौड़ी जिले क लैंसडाउन विधानसभा सीट कु लेकी ही हरक सिंह रावत न अपणि ब्वारी अनुकृति गुसाईं की खातिर बीजेपी से टिकट मांगी छै.
  
• भाजपा मा शामिल सरिता आर्य
  ई सबु राजनीतिक उठापटक क बीच भाजपा न कांग्रेस का गढ़ मा बड़ी सेंधमारी कर दी च. उत्तराखंड महिला कांग्रेस अध्यक्ष सरिता आर्य भाजपा मा शामिल ह्वै ग्यैन. सोमवार दोपहर सरिता आर्य न देहरादून भाजपा मुख्यालय पौंची कन भाजपा क सदस्यता ग्रहण कौरी. सरिता आर्य न ये दौरान कांग्रेस कु महिला विरोधी करार द्याई. बतै द्यां कि सरिता आर्य नैनीताल विधानसभा सीट बिटीं टिकट मंगणि छै पर ई दफा यशपाल आर्य क बेटा संजीव क कारण ऊं तैं कांग्रेस बिटीं टिकट मिलण की संभावना नी छै. यैका पैली कांग्रेस न सरिता तैं पार्टी क सभी पदों बिटीं बर्खास्त कर द्याई अर 6 साल कु निष्कासित भी कर द्याई छै.
  
• यतीश्वरानंद क खिलाफ बीजेपी कार्यकर्ताओं कु प्रदर्शन
  हरिद्वार ग्रामीण विधानसभा सीट बिटीं बीजेपी विधायक अर कैबिनेट मंत्री स्वामी यतीश्वरानंद पर ऊं की पार्टी कार्यकर्ताओं न अवैध खनन का आरोप लगाई च. कार्यकर्ताओं की मांग च कि चुनाव मा यतीश्वरानंद क टिकट काटी जाए. बीजेपी कार्यकर्ताओं ने बोली कि लंबा वक्त बिटीं विधायक रैण क बाद बी यतीश्वरानंद न क्वी विकास कार्य नी करवाई छन.
  
• पांच संतों पर केस दर्ज व्हाई
  बीता 17 सी 19 दिसंबर का बीच धर्मनगरी हरिद्वार मा ह्वाई धर्म संसद मा दिये ग्येन विवादित भाषणों कु लेकी विवाद नी रुकणा च. सोमवार कु हरिद्वार क सर्वानंद गंगा घाट मा जितेंद्र नारायण सिंह त्यागी उर्फ वसीम रिजवी अर यति नरसिंहानंद क गिरफ्तारी का विरोध मा धरना-प्रदर्शन करणा धर्म संसद से जुड़्यां पांच संतों कु खिलाफ आपदा प्रबंधन अधिनियम क उल्लंघन क आरोप मा हरिद्वार कोतवाली पुलिस न मुकदमा दर्ज कौरी च. ई संतों मा धर्म संसद कोर कमेटी क संयोजक आनंद स्वरूप, अध्यक्ष प्रबोधानंद गिरि, सागर सिंधुराज, अमृतानंद अर शिवानंद छन. कोतवाली प्रभारी राकेंद्र सिंह कठैत क बोलण च कि कोरोना संक्रमण कु लेकी जारी गाइडलाइन क बीच धरना प्रदर्शन करनु की लेकी कार्रवाई की ग्याई च.
  
• एचएनबी क एग्जाम स्थगित
  हेमवती नंदन बहुगुणा गढ़वाल विश्वविद्यालय प्रशासन न बिड़ला अर चौरास परिसर की 18 जनवरी से शुरू होण वाली सबी परीक्षाएं स्थगित कर द्याई छन. कोरोना कु बढ़ता खतरा कु लेकी ई निर्णय ली ग्याई च. परीक्षा नियंत्रक प्रो. अरूण सिंह रावत न बताई कि स्थगित परीक्षाओं क परीक्षा कार्यक्रम परीक्षा शुरू होण से 15 दिन पैली विवि क वेबसाइट पर अपलोड कर दी जालु.
  
• पाकिस्तान बॉर्डर बिटीं पकड़ी ग्याई अंतरराष्ट्रीय साइबर ठग
  उत्तराखंड एसटीएफ न अंतरराष्ट्रीय स्तर पर फाइनेंशियल धोखाधड़ी करण वालु गिरोह क पर्दाफाश कौरी च. गिरोह क मास्टरमाइंड गैलेक्सी कंपनी के मालिक रोहित कुमार तैं पाकिस्तान बॉर्डर क पास से गिरफ्तार कौरी, गिरफ्तारी पंजाब क फरीदकोट क पास स्थित पाकिस्तान बॉर्डर बिटीं ह्वाई च. रोहित कुमार क पास से बड़ी संख्या मा डेबिट कार्ड, मोबाइल फोन अर दस्तावेज मीली छन. रोहित कुमार पर फर्जी वेबसाइट का जरिया अंतरराष्ट्रीय स्तर पर फाइनेंशियल साइबर फ्रॉड करणु कु आरोप च. आरोपी रोहित न देहरादून निवासी युवती से फर्जी वेबसाइट क जरिया सोना, मसाला, शराब आदि खरीद बिक्री मा भारी मुनाफा दिलाण क लालच मा 15 लाख रुपए क ठगी कु अंजाम द्याई छै.