अपणुं उत्तराखंडः दिनभरै खास खबर, एक नजर मा

अपणुं उत्तराखंड मा देखा, दिनभरै खास खबर, एक नजर मा

शुक्रवार का दिन उत्तराखंड कैबिनेट न बड़ु फैसला ले. समाज कल्याण विभाग का तहत मिन्न वली छात्रवृत्ति योजना खुंण महत्वपूर्ण फैसला ले. कई सालों से लटकी छात्रवृत्ति का बजट ते राज्य सरकार न मंजूरी दियेली.

आज पराक्रम दिवस का मौका पर उत्तराखंड मा देश कु पेहलु सैन्य धाम कु शिलान्यास ह्वे. राजधानी देहरादून का पुरकुल मा यू सैन्य धाम बंणलु. सीएम त्रिवेंद्र सिंह रावत न येकु शिलान्यास करी. बते द्यां कि 2017 विधानसभा चुनावी रण का दौरान पीएम मोदी न देवभूमि उत्तराखंड मा सैन्य धाम बणोंणे घोषणा करी छे.

दिल्ली मा किसानों का समर्थन मा आज संयुक्त किसान मोर्चा का कार्यकर्तों न राजभवन कूच करी. लेकिन प्रदर्शनकारियूं ते पुलिस न न्यू कैंट रोड स्थित हाथीबड़कला चौकी का पास बैरिकेडिंग लगेकी रोकी. इंसे पेहली हर्रावाल हाईवे पर 300 से ज्यादा किसान ट्रैक्टरों का साथ राजभवन घेराव खुंण तैयारी मा छा.

कृषि कानून का विरोध मा किसान संगठन 26जनवरी का दिन गणतंत्र दिवस पर ट्रैक्टर परेडे घोषणा कर चुक्यां छिन. देशभर का अलग-अलग हिस्सों बटि किसान शामिल होंणो दिल्ली जांणा छिन. उत्तराखंड का बाजपुर बटि भी किसान बड़ी संख्या मा ट्रैक्टरों दगड़ी दिल्ली ते रवाना ह्वेन.

आज सुबेर आईआईटी रुड़की मा गणित विभागे बिल्डिंग मा आग लग गी. जैका बाद कैंपस मा अफरा-तफरी मच गी. कर्मचारियूं की सूचना पर पौंछी फायर ब्रिगेडे टीम न आग पर काबू पे. जानकारी मिलिं च कि जान माले नुकसाने खबर नि च.

अपणां चार दिवसीय गढ़वाल दौरा पर श्रीनगर पौंछिन विधानसभा अध्यक्ष प्रेमचंद अग्रवाल न कमलेश्वर मंदिर मा पूजा-अर्चना करी. येका बाद ईटीवी भारत दगड़ी खास बातचीत मा ऊं बते कि वू गणतंत्र दिवस गैरसैंण का भराड़ीसैंण मा मंणाला.