संक्रमितों की संख्या पहुंची 42 हजार का पार
भारत मा जारी कोरोना वायरस कू कहर, कोविड 19 का कारण जान गंवाण वला लौखु की संख्या पहुंची 1,373. वखि संक्रमित लोगों की कुल संख्या पहुंची 42 हजार का पार, स्वास्थ्य मंत्रालय का मुताबिक, 111 विदेशी नागरिक भी छिन कोरोना से संक्रमित जोंकू अलग-अलग अस्पतालों मा चनु च इलाज.
प्रवासी मजदूरों ना पुलिस मा करि पथराव
गुजरात का सूरत मा भारी संख्या मा घौर जाणा की मांग करदा सड़क पर उतरिन प्रवासी मजदूर, मजदूरों ना सोशल डेस्टेंसिंग कू उल्लंघन करि मौका पर करि पथराव, जैका बाद पुलिस न भीड़ थै तितर-बितर कना वास्ता छुड़िन आंसू गैस का गोला. मजूदरों और पुलिसक बीच ह्वे झड़प.
सैन्य सम्मान का था शहीद कू किये ग्या अंतिम संस्कार
जम्मू कश्मीर का बारामूला मा पाकिस्तान तरफा बिट हुई गोलाबारी मा शहीद हवलदार गोकर्ण सिंह पंचतत्व मा विलीन, नाचनी का रामगंगा घाट पर सैन्य सम्मान का साथ ह्वाई शहीदा कू अंतिम संस्कार, स्थानीय विधायक हरीश धामी ना शहीद का परिजनों थै बंधै ढांढस और सौंपिन एक लाख रुपै नकद.
खराब मौसम का कारण नि पहुंची शहीद कू पार्थिक शरीर
रविवारा दिन जम्मू कश्मीर का हंदवाड़ा मा आतंकी हमला मा शहीद ह्वेगे छाई अल्मोड़ा कू लाल, आज पैतृक गांव लयै जाण छाई शहीद दिनेश सिंह कू पार्थिक शरीर, वखि चंड़ीगढ़ मा मौसम खराब हुणा का कारण उड़ान नि भौर सकी हेलिकॉप्टर, अब मंगलवार का दिन होलू शहीद कू अंतिम संस्कार.
शराब का ठेकों का भैर लगि भारी भीड़
लॉकडाउन कू तीसरु चरण शुरू हुंद ही उत्तराखंड मा उड़िन सोशल डिस्टेंसिंग क धज्जियां, ग्रीन जोन मा खुलिन शराब क दुकानों का भैर लगी लंबी-लंबी लाइन, सुबैर बटि शराब खरीदणा खुण ठेकों का भैर खड़ा दिखैन लोग. कुछ जगहों बटि ओवररेट शराब बिक्री की भी मिली शिकायत.
विधायक अमनमणि का खिलाफ मुकदमा दर्ज
विवादों मा रैण वला यूपी का नैतनवा सीट बटि निर्दलीय विधायक अमनमणि ना करि लॉकडाउन कू उल्लंघन, अपण 12 साथियों का दगणि गाड़ियों मा सवार ह्वेकि जाणा छा बदरीनाथ, पुलिसन गौचार मा रोकी गाड़ी. वखि मुनिकीरेती पुलिस ना विधायक अमनमणि त्रिपाठी का खिलाफ विभिन्न धाराओं मा करि मुकदमा दर्ज.
विधायक त्रिपाठी न फर्जी दस्तावेजों से बणवै छाई पास
विधायक अमनमणि त्रिपाठी थै जारी पास थै लेकि उत्तराखंड पुलिस करि नै खुलासा, डीजी अशोक कुमारन बोली- फर्जी दस्तावेजों का आधार पर एमएलए त्रिपाठी ना बणवै छा पास, जैका बाद अमनमणि समेत 12 लोखु पर धोखाधड़ी और लॉकडाउन के उल्लंघन का आरोप मा दर्ज किये ग्या मुकदमा.
सड़क हादसा मा एक की मौत, तीन घायल
विकासनगर का त्यूणी-चकराता मोटरमार्ग पर अनियंत्रित ह्वेकि खाई मा गिरी कार, बतै जाणु च कि चार लोग छाई कार मा सवार, वखि घायलों मा बटि एक व्यक्ति की इलाज का दौरान मौत, अन्य थै हायर सेंटर किये ग्या रेफर.
शेयर बाजार पर कोरोना कू असर
शेयर बाजार पर भी दिखे कोरोना वायरस कू असर, सोमवार का दिन सेंसेक्स में 2,030 अंकों की दर्ज किये ग्या गिरावट. वखि निफ्टी मा भी 600 अंकों से ज्यादा की गिरावट ऐ नजर.
चंडीगढ़ से द्वि हजार प्रवासी रवाना
अन्य प्रदेशों मा फंसाया प्रवासी उत्तराखंडियों थै घौर लाणा वास्ता प्रदेश सरकार की कवायद तेज, आज करीब द्वि हजार लोगों थै चंडीगढ़ से उत्तराखंड खुण किये ग्या रवाना, कुछ दिन पेलि सबि लौखुना घौर आणा वास्ता सरकार से लगै छाई गुहार.
