ગંગામાં ડૂબી રહી હતી માં-દીકરી, ઝોનના સીઓએ લગાવી દીધી ડૂબકી

બિહારના ભાગલપુરમાં સુલતાનગંજ ઝોનના સીઓ શંભુ શરણ રાયની (CO Shambhu Sharan Rai ) બહાદુરીની તસવીર સામે આવી છે. જેમણે ગંગા નદીમાં કૂદીને ડૂબતા પરિવારને બચાવવાની હિંમત બતાવી હતી. આ સમગ્ર ઘટના અજગાયબીનાથ મંદિરના કિનારે ગંગા નદીમાં સ્નાન કરવા આવેલા પરિવાર સાથે જોડાયેલી છે. જ્યાં સીઓએ વહેતા પ્રવાહમાં કૂદીને બે જીવને મોતના મુખમાંથી બચાવ્યા હતા. હકીકતમાં, જે સમયે આ ઘટના બની તે સમયે બીડીઓ મનોજ મુર્મુ, સીઓ શંભુશરણ રાય, કાર્યકારી અધિકારી અભિનવ કુમાર શ્રાવણી મેળાની તૈયારી માટે ઘાટનું નિરીક્ષણ કરી રહ્યા હતા. લોકોનો અવાજ સાંભળીને સીઓએ ગંગામાં કૂદીને ડૂબતી માતા-પુત્રીને બચાવી હતી, જે ગંગામાં નહાતી વખતે ડૂબવા લાગી હતી. જોકે, સીઓને પણ તરતા આવડતું ન હતું, પરંતુ લાકડાની વાડની મદદથી બધા બહાર આવ્યા. કહેવાય છે કે, 32 વર્ષની મહિલા અને તેની 14 વર્ષની પુત્રી (mother daughter drowning in ganga) માસૂમગંજના રહેવાસી છે.