ભરૂચમાં ભારે વરસાદના કારણે માર્ગો બિસ્માર બનતા કોંગ્રેસ મેદાનમાં આવ્યું

ભરૂચઃ જિલ્લામાં વરસેલા ભારે વરસાદના કારણે શહેરના માર્ગોનું મોટાપાયે ધોવાણ થયું છે અને માર્ગો બિસ્માર બન્યા છે. જેનાથી વાહન ચાલકો ત્રાહિમામ પોકારી ઉઠ્યા છે, ત્યારે કોંગ્રેસ મેદાનમાં આવ્યું છે. સોમવારના રોજ ભરૂચ શહેર કોંગ્રેસના આગેવાનો દ્વારા નગર પાલિકા પ્રમુખ સુરભી તમાકુવાલાને આવેદનપત્ર પાઠવવામાં આવ્યું હતું અને માર્ગના તાત્કાલિક સમારકામની માગ કરાઈ હતી સાથે જ માર્ગની કામગીરીમાં બેદરકારી દાખવનારા કોન્ટ્રાકટરો સામે પગલા ભરવા પણ માગ કરવામાં આવી હતી.