સુરતઃ પૂર્વ પ્રેમી પર હુમલો કરાવનારી પ્રેમિકાની કરાઈ ધરપકડ

સુરતઃ શહેરમાં વેસુના આગમ આર્કેડમાં માથાભારે જમીન દલાલ પ્રેમીની મદદથી પૂર્વ પ્રેમી પર ચપ્પુના ઘા ઝીંકી હત્યાનો પ્રયાસ કર્યા બાદ ધમકી આપનારી પ્રેમિકાની ઉમરા પોલીસે ધરપકડ કરી પુછપરછ હાથ ધરી હતી. રિયા કાયનાથ અને તેનો માથા ભારે પ્રેમી વિપલ મનિષ ટેલર મળી રિયાના પૂર્વ પ્રેમિ પ્રવિણ સાથે અપશબ્દો બોલવાની સાથે ચપ્પુ વડે હુમલો કરી ચપ્પુના ચારથી પાંચ ઘા ઝીંકી દઇ " આજ તો તું શાયદ જીંદા બચ જાયેગા, દોબારા હમારે રાસ્તે મેં આયેગા તો તુંજે જીંદા નહીં રહેને દેગે" તેવી ધમકી આપી વિપલ અને રીયા ભાગી ગયા હતા. આ ઘટના બાદ રિયા ફરાર થઇ ગયી હતી. આખરે સુરત આવતા જ પોલીસે તેની ધરપકડ કરી હતી.