હાથરસ દુષ્કર્મઃ અમદાવાદના સફાઇ કામદારો એક દિવસ સફાઈથી અળગા રહેશે

અમદાવાદઃ હાથરસ દુષ્કર્મની ઘટનાના પગલે સમગ્ર દેશમાં આક્રોશ છે. ત્યારે અમદાવાદ શહેરના સફાઇ કામદારો મંગળવારે રોજ સફાઇથી અળગા રહેશે. શહેરમાં વીસ હજાર કરતાં વધુ સફાઈ કામદારો છે. જેઓ શાંતિપૂર્વક વિરોધ કરીને કલેકટરને આવેદનપત્ર આપશે. નોકર મંડળના જનરલ સેક્રેટરી કલ્પેશભાઈએ જણાવ્યું હતું કે દલિત સમાજની દીકરી સાથે જે રીતની ઘટના બની છે તે ખૂબ ગંભીર છે. આરોપીઓને સજા મળે અને દીકરીના પરિવારજનોને ન્યાય મળે તે માટે સફાઈ ન કરવાનો નિર્ણય કર્યો છે.