વડોદરા ONGC ભરતી મામલે ડોક્યુમેન્ટેશન પ્રક્રિયા સામે હોબાળો

વડોદરાઃ ONGC ભરતી મામલે કેન્ડિડેટસે હોબાળો મચાવ્યો હતો અને ડોક્યુમેન્ટેશન પ્રક્રિયા સામે વિરોધ દર્શાવ્યો હતો. કેન્ડીડેટ્સ દ્વારા ONGCના વિરુદ્ધમાં સુત્રોચ્ચાર કરી વિરોધ નોંધાવ્યો હતો. ભરતી મામલે શોર્ટ લિસ્ટ કરેલા ઉમેદવારોએ વિરોધ કરી પોતાની નારાજગી દર્શાવી હતી. ONGCની ભરતી મામલે ડોમીસાઇલ સર્ટી, ક્વોલીફેકશન પ્રક્રીયાને લઇ વિરોધ કરવામાં આવ્યો હતો. જો કે, કેન્ડીડેટ્સ દ્વારા આક્ષેપ કરવામાં આવ્યા હતા કે, પરિક્ષા લીધા બાદ નવા નિયમો બનાવવામાં આવ્યા છે. આ મામલે કોઇ યોગ્ય નિર્ણય નહીં આવે તો અને કેન્ડીડેટ્સની માગણી ન સંતોષાતા ONGC સામે હાઇકોર્ટમાં જવાની ચીમકી ઉમેદવારો દ્વારા ઉચ્ચારવામાં આવી હતી.