અંબાજી ખાતે અંબાજી ઉત્સવ કાર્યક્રમમાં વિવિધ 13 કૃતિઓ રજૂ કરવામાં આવી

બનાસકાંઠાઃ ગુજરાત સરકારના રમતગમત યુવા અને સાંસ્કૃતિક પ્રવૃત્તિઓના વિભાગ તથા બનાસકાંઠા જિલ્લા વહીવટી તંત્ર દ્વારા યાત્રાધામ અંબાજી ખાતે અંબાજી ઉત્સવનું આયોજન કરવામાં આવ્યું હતું. આ કાર્યક્રમ દરમિયાન ગુજરાતના વિવિધ વિસ્તારોની કોલેજ શૈક્ષણિક સંસ્થાઓ તેમજ કલાવૃંદ દ્વારા વિવિધ રંગારંગ પારંપારીક લોક કલાઓ રજૂ કરવામાં આવી હતી. અંબાજી ઉત્સવ કાર્યક્રમમાં વિવિધ 13 જેટલી કૃતિઓ રજૂ કરાઈ હતી, આ કાર્યક્રમો થકી લોકોમાં ભક્તિનો માહોલ જાગે અને નવોદિત કલાકારોમાં છુપાયેલી કલા પણ નીખરે તેવા ઉમદા હેતુથી આ કાર્યક્રમનું આયોજન કરવામાં આવે છે.