રાજકોટમાં મહિલાનું ઢોર માર મારવાના કારણે મોત, ઘટના CCTVમાં કેદ

રાજકોટ: રાજકોટના પોપટપરા વિસ્તારમાં એક મહિલાનું ઢોર માર મારવાના કારણે મોત થયાની ઘટના સામે આવી હતી. મહિલાને ધોકા પાઇપ વડે માર મારીને મોતને ઘાટ ઉતારી છે. સમગ્ર ઘટના બુધવારે થઈ હોવાનું માનવામાં આવી રહ્યું છે. હમીદા નામની મહિલાને માર મારવાના કારણે ગંભીર ઇજાઓ પહોંચી હતી. જેને લઈને મહિલાને હોસ્પિટલમાં સારવાર હેઠળ ખસેડાઈ હતી. જ્યાં સારવાર દરમિયાન જેનું મોત નીપજ્યું હતું. જો કે, મહિલાને માર મારતા હોવાના CCTV વીડિયો પણ સામે આવ્યા હતા. જેને આધારે પોલીસે હત્યાનો ગુનો નોંધી વધુ તપાસ હાથ ધરી છે.