મેઘરાજાની વિદાયની વાતો વચ્ચે ઉમરપાડા વિસ્તારમાં મેઘરાજાએ કરી તોફાની બેટિંગ

સુરત: ચોમાસાની ખરાબ શરૂઆતને કારણે ખેડૂતો ચિંતામાં મૂકાયા હતા અને સરકાર દ્વારા સિંચાઈનું પાણી આપવાની પણ ના પાડી દેવાઈ હતી. ત્યારે શ્રાવણ- ભાદરવા મહિનામાં મેઘરાજા મહેરબાન થતા સમગ્ર જિલ્લો જળબંબાકાર થઈ ગયો હતો. હાલ ભાદરવા મહિનાના અંતમાં હવામાન વિભાગે પણ ટૂંક સમયમાં મેઘરાજાની વિદાયની આગાહી કરી હતી. હવામાન વિભાગની આ આગાહી વચ્ચે ગઇકાલે શનિવારે ઉમરપાડામાં ધોધમાર વરસાદ વરસ્યો હતો. આ વર્ષે ઉમરપાડા તાલુકામાં 62.04 ઇંચ વરસાદ સાથે સિઝનનો 89 ટકા વરસાદ નોંધાઇ ચૂક્યો છે.