ખેડામાં મકાન ધરાશાયી થતાં એકનું મોત, 2 ઈજાગ્રસ્ત

ખેડા: જિલ્લાના મહુધા તાલુકાના મહિસા ગામમાં રહેણાંક મકાન ધરાશાયી થતાં ત્રણ બહેનો કાટમાળ નીચે દબાઈ ગઈ હતી. ઘટનાને પગલે સ્થાનિકોએ એકત્ર થઇ કાટમાળ ખસેડી ત્રણેય બાળકીઓને બહાર કાઢી હતી. જેમાં કાટમાળ નીચે દબાઈ જવાથી એક બાળકીનું મોત થયું હતું. જયારે અન્ય બે ને ઈજાઓ પહોંચતા સારવાર માટે હોસ્પિટલ ખસેડવામાં આવી હતી. ઘટનાની જાણ થતાં પોલીસ સહીત મામલતદાર અને તાલુકા વિકાસ અધિકારી ઘટના સ્થળે પહોંચ્યા હતા. તેમજ સમગ્ર બનાવ અંગે જાણકારી મેળવી કાર્યવાહી હાથ ધરી હતી.