12મી સદીના સોલંકી યુગના સોમનાથ મહાદેવ મંદિરનું મહાત્મય

નવસારીઃ 12મી સદીના પ્રારંભમાં સોલંકીયુગમાં સ્થાપત્ય ધરાવતા બીલીમોરાનું સુપ્રસિધ્ધ સોમનાથ મહાદેવ મંદિર હર હર મહાદેવના નાદથી ગુંજી ઉઠ્યું હતું. પવિત્ર શ્રાવણ માસના પ્રથમ દિવસથી જ મોટી સંખ્યામાં ભક્તો શિવદર્શનનો લાભ ઉઠાવે છે. સોમનાથ મહાદેવ મંદિરના સ્વયંભૂ પ્રગટ શિવલીંગનો ઇતિહાસ 1600 વર્ષ જૂનો છે. આ શિવમંદિર અંબિકા, કાવેરી અને ખરેરા નદીના ત્રિવેણી સંગમ નજીક આવેલું હોવાનો ઉલ્લેખ પુરાણમાં કરવામાં આવ્યો છે. આ વિસ્તાર બિલ્લી વૃક્ષોથી આચ્છાદિત હોવાથી આ ગામનું નામ બીલીમોરા પડ્યું હોવાનું મનાય છે. 108 ફૂટ ઉંચા ઘુમ્મટવાળું ભવ્ય શિવાલય સમગ્ર દક્ષિણ ગુજરાતનું સૌથી ઉંચુ મંદિર ગણાય છે.