સાપુતારથી મહારાષ્ટ્રની બોર્ડર પર કારમાં લાગી આગ

ડાંગઃ જિલ્લાનાં ગીરીમથક સાપુતારાથી વણીને સાંકળતા રાષ્ટ્રીય ધોરીમાર્ગનાં સાપુતારા સરહદીય વિસ્તારમાં આવેલા હથગઢ ગામ નજીક શુક્રવારે મહિન્દ્રા લોગન કાર.M.H.04.D.W.5198માં ટેક્નિકલ ક્ષતિનાં કારણે અચાનક એકા-એક આગ ફાટી નીકળતા સ્થળ ઉપર અફરા તફરીનો માહોલ સર્જાયો હતો. આ કારમાં ત્રણ પ્રવાસીઓ સવાર હતા. જેઓએ સમય સુચકતા વાપરી કારની બહાર ઉતરી જતા મોટી દુર્ઘટના ટળી હતી. અહીં ફાયર સેફટી ન હોવાનાં કારણે તુરંત જ સ્થાનિકોએ ટેન્કર મારફતે પાણીનો છંટકાવ કરી આગ પર કાબુ મેળવ્યો હતો.