વડોદરામાં ઓક્ટેન પીઝા રેસ્ટોરેન્ટમાં આગ લાગતાં અફરાતફરી

વડોદરા : શહેરના નિઝામપુરા ચાર રસ્તા નજીક ફોર્ચ્યુન હબ કોમ્પ્લેક્સના ગ્રાઉન્ડફ્લોર પર આવેલી ઓક્ટેન પીઝા નામની રેસ્ટોરન્ટમાં એકાએક આગ લાગી હતી. જેના કારણે દોડધામ મચી હતી. રેસ્ટોરેન્ટમાંથી ધુમાળાના ગોટેગોટા નીકળ્યા હતા. બનાવની જાણ કમાન્ડ એન્ડ કંટ્રોલ સેન્ટરને કરવામાં આવતાં છાણી ટીપી 13 ફાયર સ્ટેશનના લાશ્કરો બે ફાયર વાહનો સાથે તત્કાલ સ્થળ પર દોડી આવ્યા હતા. તપાસ કરતાં કિચનમાં પડેલા 3 ગેસ સિલિન્ડરમાંથી આગ ફેલાઈ રહી હતી. બાદમાં ભારે જહેમત ઉઠાવી આગ પર કાબુ મેળવાયો હતો.