ગુરૂપૂર્ણિમાં નિમિતે ક્રિકેટર ચેતેશ્વર પુજારાએ ગુરુદેવના આશિષ મેળવ્યા

રાજકોટઃ ગોંડલ રામજી મંદિરના મહંત પૂજ્ય હરિચરણદાસ બાપુની નિશ્રામાં આજે ગુરુ પૂર્ણિમા મહોત્સવ ઉજવવામાં આવ્યો હતો. આ તકે ભારતીય ક્રિકેટ ટીમના ચેતેશ્વર પુજારા પણ ગુરુદેવના આશીર્વાદ લેવા માટે ગોંડલ રામજી મંદિર ખાતે આવ્યા હતા. પૂજારએ જણાવ્યું હતું કે, ગુરુપૂર્ણિમાના દિવસે હું અચૂક ગુરુદેવના આશીર્વાદ લેવા માટે આવું છું. મોટી સીરીઝ કે મોટો મેચ રમવા નો હોય તો પણ તેમના આશીર્વાદ લેવા આવું છું. ગુરુદેવના આશીર્વાદથી મારૂ જીવન ધન્ય બનતું હોય છે. ગુરુદેવના આશીર્વાદ હંમેશા હરિભક્તો પર વરસતા રહે છે.