જન્મદિન પર ગામ દત્તક લેતા આણંદના સાંસદ મિતેષ પટેલ

આણંદ: દેશના વડપ્રધાન નરેન્દ્ર મોદીએ દેશના ગામડાઓના વિકાસ માટે સાંસદ આદર્શ ગામ યોજના વર્ષ 2015માં ચાલુ કરવામાં આવી હતી. જેને સમગ્ર દેશમાંથી ખુબ જ આવકાર મળ્યો હતો. જેના ભાગ રુપે મંગળવારે આણંદના સાંસદ મિતેષ પટેલ દ્વારા આંકલાવ તાલુકાનું અંબાવ ગામ દત્તક લેવામાં આવ્યું હતું. મિતેષ પટેલ દ્વારા લીધેલા આ નિર્ણયને ગામ લોકોએ આવકાર્યો હતો. મિતેષ પટેલે દ્વારા જણાવવામાં આવ્યું હતું કે, અંબાવ ગામને 1 વર્ષની અંદર આદર્શ ગામ અંતર્ગત મળતી તમામ સુવિધાથી સજ્જ બનાવવા માટેની પૂર્ણ તૈયારીઓ થઈ ગઈ છે. આવનાર 1 વર્ષમાં સંસદ આદર્શ ગામ તરીકે અંબાવ ગામને સુવિધાઓ ઉપલબ્ધ કરાવવામાં આવશે. વધુમાં તેમને ગામ વાસીઓનો પણ આભાર માન્યો હતો.