ગોંડલની લીલાપીઠમાં આવેલી ગૌશાળામાં આગ લાગી, કોઈ જાન હાની નહીં

રાજકોટઃ જિલ્લાની ગોંડલ લીલાપીઠ આવેલા રામગરબાપુ ગૌશાળામાં ગાયોને નાખવાના પાલામાં સોમવારે બપોર બાદ અચાનક આગ લાગી હતી. જેની જાણ ગૌ સેવકો તેમજ ફાયર ફાઇટરોને કરતા તાત્કાલિક 2 ફાયર ફાઈટર ઘટના સ્થળે પોહચ્યાં હતા અને આગ પર પાણીનો મારો ચલાવ્યો હતો. આ આગમાં ગૌશાળાની એમ્બ્યુલન્સમાં પણ નુકશાની થઈ હતી. જોકે, ભારે જહેમત બાદ આગ પર કાબુ મેળવાયો હતો. આગ લાગવાનું કારણ હજુ જાણવા મળ્યું નથી. આગમાં કોઇ મોટી જાન હાની થઈ ન હતી.