પોરબંદરમાં મેઘરાજા મહેરબાન, 2 ઇંચ વરસાદ નોંધાયો

પોરબંદર : આજે રવિવારે 12 કલાકથી એક કલાક વચ્ચે બે ઇંચ જેટલો વરસાદ પડયો હતો અને ઠેર-ઠેર મુખ્ય માર્ગો પર પાણી ભરાયા હતા. તો દરિયામાં પણ અનોખો કરંટ જોવા મળ્યો હતો. દરિયાના મોજા પણ વધુ ઊંચાઇએ ઉછળતા હતા. જ્યારે પોરબંદરના રાણાવાવ અને કુતિયાણા તાલુકામાં એક-એક ઈંચ વરસાદ પડ્યો છે. જિલ્લાના આસપાસના ગામમાં પણ વધારે વરસાદ પડ્યો છે, ત્યારે ગઈકાલે ભોમિયાવદરમાં વાડીમાં વિજળી પડતાં એક બળદ અને એક ભેંસનું મોત નિપજ્યું હતું.