ઉમેદવારી નોંધાવવાના અંતિમ દિવસે ભાજપ કોંગ્રેસ આપ સહિતના પક્ષોની ભીડ જામી

ગુજરાત વિધાનસભાની પહેલાં તબક્કાની ચૂંટણી તારીખ 1 ડિસેમ્બરના રોજ યોજાશે. આ ચૂંટણીમાં ભાવનગર જિલ્લાની 7 બેઠકો માટે 1 ડીસેમ્બરે મતદાન યોજાશે. અને ઉમેદવારી ફોર્મ ભરવાનો આજે છેલ્લો દિવસ હતો. અન્વયે ભાજપ કોંગ્રેસ આપ સહિતના અન્ય પક્ષો તથા અપક્ષ ઉમેદવારોએ ફોર્મ ભરવા અને ઉમેદવારી નોંધાવવા ભારે ઘસારો કર્યો હતો. ઉમેદવારોએ પોતાના સમર્થકો ટેકેદારો સાથે શક્તિ પ્રદર્શન કરી ફોર્મ ભર્યાં હતાં આજે કલેક્ટર કચેરી જિલ્લા પંચાયત તાલુકા પંચાયત સહિતના સ્થળોએ રાજકીય પક્ષોનો મેળો યોજાયો હોય તેવો માહોલ સર્જાયો હતો. આજે અંતિમ દિવસે ભાવનગર પૂર્વ બેઠક માટે ભાજપના સેજલબેન પંડ્યાએ તથા આજ બેઠક માટે કોંગ્રેસના બળદેવ સોલંકીએ સમર્થકો સાથે ઉમેદવારી પત્રક ભર્યું હતું. તથા ભાવનગર ગ્રામ્ય બેઠકના ભાજપના પરશોત્તમ સોલંકી એ ઠાઠ-માઠ સાથે ફોર્મ ભર્યું હતું. જયારે ભાવનગર પશ્ચિમ બેઠક પરથી કોંગ્રેસના ઉમેદવાર કે.કે ગોહિલે ફોર્મ ભર્યું હતું. જયારે ભાવનગર ગ્રામ્ય બેઠક પરથી કોંગ્રેસના ઉમેદવાર રૈવતસિંહ ગોહિલે ઉમેદવારી નોંધાવી હતી. તળાજા બેઠક પરથી ભાજપના ગૌતમ ચૌહાણે તથા કોંગ્રેસના કનુ બારૈયાએ ઉમેદવારી નોંધાવી હતી. પાલીતાણા બેઠક પરથી ભાજપના ઉમેદવાર ભીખાભાઇ બારૈયાએ તથા કોંગ્રેસના પ્રવિણ રાઠોડે ઉમેદવારી નોંધાવી હતી. જયારે ગારીયાધાર બેઠક પરથી ભાજપના ઉમેદવાર કેશુભાઈ નાકરાણીએ જયારે આજ બેઠક પરથી કોંગ્રેસના ઉમેદવાર દિવ્યેશ ચાવડાએ ફોર્મ ભર્યું હતું. જયારે ભાવનગર પશ્ચિમ બેઠક માટે આપના ઉમેદવાર રાજુ સોલંકીએ ઉમેદવારી નોંધાવી હતી. Gujarat Assembly Election 2022 Gujarat Assembly Elections Assembly elections