સતત ત્રીજી વાર ધારાસભ્ય ક્રાંતિ ખરાડીનો જીતનો દાવો

દાંતા(બનાસકાંઠા): ગુજરાત વિધાનસભા ચૂંટણી(gujarat legislative assembly 2022) નજીક આવી રહી છે. રાજકીય પક્ષો દ્વારા મોટા ભાગના ઉમેદવારો જાહેર થઈ ગયા છે. ત્યારે બનાસકાંઠાની દાંતા વિધાનસભા(Danta legislative assembly) બેઠક માટે ધારાસભ્ય ક્રાંતિ ખરાડીએ(mla kranti khradi) ઉમેદવારી ફોર્મ ભર્યું હતું. ક્રાંતિ ખરાડી છેલ્લા 2 ટર્મથી દાંતાના ધારાસભ્ય છે. 2022ની ચૂંટણીમાં સતત ત્રીજી વાર તેમને કોંગ્રેસ તરફથી ટિકિટ આપવામાં આવી છે. ક્રાંતિ ખરાડીએ વિશાળ જનમેદની સાથે રેલી યોજી પોતાની ઉમેદવારી નોંધાવી હતી. ઉપરાંત તેમણે ભાજપ અને આપ પર પ્રહાર કરતાં જણાવ્યું હતું કે "દાંતા મતવિસ્તાર કોંગ્રેસનો ગઢ છે. આ વખતે ફરી પોતે જંગી બહુમતીથી વિજય બનશે.આમ આદમી પાર્ટી ભાજપાની બી ટીમ છે ને તેને પ્રજા ઓળખે છે."