2020ના છેલ્લા દિવસનો સુરતનો માહોલ

સુરતઃ શહેરમાં દર વર્ષે હર્ષોલ્લાસ અને જોશ સાથે નવા વર્ષના આગમનને લઇ પૂર્વ તૈયારીઓ કરવામાં આવતી હતી. પરંતુ આ વર્ષે કોરોના સંક્રમણને ધ્યાનમાં રાખી કોઈ પણ આયોજનની પરવાનગી તંત્ર દ્વારા આપવામાં આવી નથી. ગણતરીના કલાકોમાં નવા વર્ષના આગમન થનાર છે. ત્યારે સુરત પોલીસે લોકો કોરોના ગાઈડલાઈનનો પાલન કરે આ હેતુથી ચાપતો પોલીસ બંદોબસ્ત ગોઠવી દીધું છે. બેરીકેટ લગાવી દરેક વાહનોનું ચેકિંગ હાથ ધરવામાં આવી છે. સાથે સિંગલયુઝ બ્રિથ એનલાઈઝરનો ઉપયોગ કરવામાં આવી રહ્યું છે. જેથી તપાસની સાથે-સાથે સંક્રમણ ન થાય એની તકેદારી લેવાઈ છે. આ સાથે સુરત મહાનગર પાલિકાના કર્મચારીઓ રોડ ઉપર હાથમાં પેમ્પલેટ લઈ લોકોને કોરોના સંક્રમણ અંગે જાગૃત કરી રહ્યા છે. શહેરના સીમાડા વિસ્તારમાં આવેલા ડ્રોનથી નજર રાખવામાં આવશે.