કોંગ્રેસના નેતા અમિત ચાવડા, પરેશ ધાનાણી સહિતનાઓની પોલીસે કરી અટકાયત

અમદાવાદઃ આઝાદીના અમૃત મહોત્સવની આજે શુક્રવારે વડાપ્રધાન નરેન્દ્ર મોદીએ શરૂઆત કરાવી હતી, તેમજ સાથોસાથ દાંડી યાત્રાને પણ શરૂ પ્રસ્થાન કરાવી હતી. ત્યારે આ કાર્યક્રમ પૂરો થતા જ કોંગ્રેસ દ્વારા પણ એક દાંડી યાત્રાનું આયોજન કરવામાં આવ્યું હતું. જોકે, પોલીસે આ દાંડી યાત્રાને મંજૂરી આપી ન હતી. તેમ છતાં કોંગ્રેસ દ્વારા મંજૂરી વગર દાંડી યાત્રા કાઢવાનો પ્રયત્ન કરવામાં આવતા કોંગ્રેસના નેતાઓ અને પોલીસ સાથે ઘર્ષણ થયું હતું. આ દરમિયાન પોલીસ દ્વારા કોંગ્રેસના અનેક નેતાઓની અટકાયત કરવામાં આવી હતી. અમિત ચાવડા, પરેશ ધાનાણી, અર્જુન મોઢવાડિયા, સિદ્ધાર્થ પટેલ સહિત અન્ય પણ કેટલાય નેતાઓની અટકાયત કરવામાં આવી હતી.