વડોદરામાં વાસણા-ભાયલી રોડ પર મસમોટો ભુવો પડ્યો

વડોદરાઃ શહેરની કિસ્મત ચોકડીથી વાસણા-ભાયલીને જોડતા રસ્તાની હાલત બિસ્માર છે. તેમજ રસ્તા પર વિશાળ ભુવો પડતા વાહન ચાલકોને અકસ્માતનો ભય સતાવી રહ્યો છે. ત્યારે યુથ કોંગ્રેસના અગ્રણીએ તંત્ર સામે નારાજગી દર્શાવી છે. આ ઉપરાંત આશિયાના નગર પાસે મસ્જિદની સામે રોડની વચ્ચોવચ થોડા દિવસો પહેલા નાનો ભુવો પડ્યો હતો, પરંતુ સમારકામ ન કરાતા આ ભુવાએ મોટું સ્વરૂપ ધારણ કર્યું હતું. જેને લઇ યુવક કોંગ્રેસના અગ્રણી અસફાક મલેકે સ્થળની મુલાકાત લઈ તંત્ર સામે આક્રોશ વ્યક્ત કર્યો હતો.