વલસાડ : ઉલ્લેખનીય છે કે ૨૦ વર્ષથી ખાલી અને બંધ પડેલા રૂમમાં ઇ.સ 1900ના સમયમાં સતત 30 દિવસ સુધી અહીં શ્રીમદ રાજચંદ્રજી નિવાસ કર્યો હતો અને જેને અનુલક્ષીને તેમની કૃતિઓ અહીં રૂમમાં સચવાયેલી હોય અને આ રૂમની દેખરેખ માટે શ્રીમદ્ રાજચંદ્ર આશ્રમ તરફથી ૨૦ વર્ષથી આ બંધ રૂમને સમારકામ અને દેખરેખ માટે સરકારના પરિપત્ર લખીને માંગણી કરવામાં આવી હતી અને જેને અનુલક્ષીને સરકારે શ્રીમદ રાજચંદ્ર આધ્યાત્મિક સત્સંગ સાધના કેન્દ્રને કાયદેસર રીતે પરિપત્ર જાહેર કરીને સુપરત કરી છે.
જેને હાલમાં આ બંને રૂમોમાં સીસીટીવી કેમેરા તેમજ શ્રીમદ રાજચંદ્રની પ્રતિમા મૂકવામાં આવી છે. જેને લઇને સ્થાનિકોમાં રોષ જોવા મળી રહ્યો છે અને આ સમગ્ર બાબતે સ્થાનિકોએ આવેદનપત્ર પાઠવી પરિપત્રમાં લખવામાં આવેલી શરતોનો ભંગ થયો હોવાનું પણ જણાવી રહ્યા છે. જે બાબતે આજે ધરમપુર નગરના ગ્રામજનો મંદિરના ટ્રસ્ટી સહિત અનેક લોકો આજે વલસાડ કલેકટરને આવેદનપત્ર પાઠવીને શરત ભંગ અંગે પંચ કેસ કરી કાર્યવાહી કરવાની માગ કરી છે.
