- જિલ્લાના છ તાલુકાના પ્રાથમિક આરોગ્ય કેન્દ્રમાં આજે બીજા તબક્કાનું રસીકરણ અભિયાનની ડ્રાય રનનું આયોજન કરાયું
- રસીકરણ શરૂ થાય તે પહેલાં લોકોને તે કઈ રીતે આપવી અને કઈ રીતની વ્યવસ્થા ઉભી કરવી તે માટે ડ્રાય રનનું આયોજન કરાયું
- છ તાલુકાના વિવિધ પ્રાથમિક આરોગ્ય કેન્દ્રમાં રસીકરણનો ડ્રાય રન કરાયું હતું
વલસાડ : આગામી દિવસમાં આવનાર કોરોનાની રસી સામાન્યમાં સામાન્ય લોકોને મળી રહે અને તે માટે યોગ્ય વ્યવસ્થા, સરકાર દ્વારા અને આરોગ્ય વિભાગ દ્વારા કરવામાં આવે તેવા હેતુથી અગાઉથી જ આ રસીકરણ કઈ રીતે કરવું અને લોકોને કઈ રીતે આરોગ્ય કેન્દ્ર સુધી પહોંચતાં કરવા તે અંગે તમામ આયોજનના હેતુથી આજે વલસાડ જિલ્લામાં બીજા તબક્કાનો ડ્રાય રન કરવામાં આવ્યું હતું.
કપરાડા તાલુકાના માંડવા, મોટા પોન્ડા અને પ્રોપર કપરાડા ખાતે ટ્રાયલરન નું આયોજન કરાયું
6 તાલુકા પૈકી અંતરિયાળ કપરાડા તાલુકામાં આજે કોરોના વેક્સિનેશનના ડ્રાય રનનું આયોજન કરવામાં આવ્યું હતું. જેમાં માંડવા પ્રાથમિક આરોગ્ય કેન્દ્ર ખાતે 25 જેટલી આંગણવાડી બહેનોને રસીકરણનો ડેમો ઉભો કરવામાં આવ્યો હતો. તમામ મહિલાઓને પ્રથમ તેમના જરૂરી કાગળો અને પુરાવાઓ સાથે પ્રાથમિક આરોગ્ય કેન્દ્રો ઉપર બોલાવી નામ નોંધણી કરવામાં આવી હતી. સાથે જ કોરોનાની રસી આપ્યા બાદ તેમને વીસ મિનિટ સુધી સતત ઓબ્ઝર્વેશન માટે પ્રતિક્ષા રૂમમાં બેસાડવામાં આવ્યા હતા.
રસીકરણ માટે આવનાર બહેનોને કોરોના વેક્સિન અંગેની વિસ્તૃત જાણકારી આપવામાં આવી હતી
વિવિધ તાલુકાઓમાં પ્રાથમિક આરોગ્ય કેન્દ્રો પર યોજાયેલા ડ્રાય રન દરમિયાન રસીકરણ માટે આવનારી ફ્રન્ટલાઈન વોરિયર્સની બહેનોને કોરોનાની રસી અંગે વિશેષ અને વિસ્તૃત માહિતી આપવામાં આવી હતી. આ રસી કેટલા મહિનાઓ પછી ફરીથી લેવી તેમજ તેને લીધા બાદ કયા પ્રકારની તકેદારી રાખવી એ તમામ પ્રકારની જાણકારી તેમને આપવામાં આવી હતી. વલસાડ જિલ્લાના આરોગ્ય વિભાગ દ્વારા આજે વલસાડ જિલ્લાના છ તાલુકામાં વિવિધ પ્રાથમિક આરોગ્ય કેન્દ્ર ઉપરથી બીજા તબક્કાનું કોરોના રસીકરણના ડ્રાય રનનું આયોજન સફળતાપૂર્વક પૂર્ણ કરાયું હતું.
