કપરાડા વિધાનસભા પેટા ચૂંટણીઃ અપક્ષ અને કોંગ્રેસના ઉમેદવારે ભર્યું નામાંકન

આજે એટલે કે ગુરુવારે કપરાડા મામલતદાર કચેરી ખાતે કોંગ્રેસના ઉમેદવાર અને અપક્ષના ઉમેદવાર પોતાની ઉમેદવારી નોંધાવવા આવ્યા હતા. જેથી બન્નેએ એક-બીજાને હસ્તધૂનન કરી શુભેચ્છાઓ પાઠવી હતી. આ સાથે જ બન્નેએ પોતાનું લક્ષ્ય એક હોવાનો દાવો પણ કર્યો હતો.

વલસાડઃ 181 વિધાનસભા પેટા ચૂંટણીમાં આજે એટલે કે ગુરુવારે કોંગ્રેસના ઉમેદવાર બાબુ વરઠા અને અપક્ષ ઉમેદવાર સુખાલા સાઈ ધામના પ્રકાશભાઈ પટેલ બન્ને એક જ સમયે મામલતદાર કચેરીએ પહોંચ્યા હતા. જેથી બન્ને ઉમેદવારોએ એક-બીજાને હસ્તધૂનન કર્યું હતું. આ સાથે બન્નેએ પોતાનું લક્ષ્ય એક હોવાનો દાવો કર્યો હતો.

અપક્ષ અને કોંગ્રેસના ઉમેદવાર

આ સમયે અપક્ષ ઉમેદવારે જણાવ્યું કે, તેમને ભાજપ સાથે કે ભાજપના ઉમેદવાર સાથે કોઈ વ્યક્તિગત વેર નથી, પરંતુ તેમની નીતિ સામે તેમનો વિરોધ છે. આ સાથે જ કોંગ્રસના ઉમેદવાર બાબુ વરઠાએ જણાવ્યું હતું કે, તેમને માત્ર વિકાસમાં રસ છે. જેથી તે માત્ર વિકાસ કરવાના નામે વોટ માંગનારાનો વિરોધ કરે છે.