સમગ્ર દેશ અને રાજયમાં વિશ્વયોગ દિવસની ઉજવણીના ભાગરૂપે વલસાડ જિલ્લાકક્ષાની યોગ દિવસની ઉજવણી તીથલના સ્વામીનારાયણ મંદિરના પટાંગણમાં કરવામાં આવિ હતી. જેમાં વન અને આદિજાતિ રાજ્યપ્રધાન રમણલાલ પાટકર, જિલ્લા કલેક્ટર સી.આર.ખરસાણ, જિલ્લા વિકાસ અધિકારી ડી.પી.દેસાઇ, જિલ્લા પોલીસ અધિક્ષક સુનિલ જોષી સહિત મહાનુભાવો, શહેરીજનોએ ઉપસ્થિત રહી યોગ દિવસની ઉજવણી કરી હતી.
તિથલ બન્યુ યોગમય:વલસાડ વહીવટી તંત્ર દ્વારા યોગ દિવસની ઉજવણી કરાઈ સમગ્ર જિલ્લામાં અનેક સ્થળોએ યોજાયેલા યોગ દિવસના કાર્યક્રમમાં લોકોએ વહેલી સવારથી જ ઉત્સાહભેર ભાગ લીધો હતો.જેમાં વન અને આદિજાતિ રાજ્યપ્રધાન રમણલાલ પાટકરે જણાવ્યું હતું કે, દેશના વડાપ્રધાન નરેન્દ્રભાઇ મોદીએ યોગને વિશ્વફલક ઉપર લઇ જઇ વિશ્વને યોગ તરફ વાળ્યું છે. યોગ થકી નિરોગી અને સ્વસ્થ રહી શકાય છે. શરીરને સ્વસ્થ રાખવાનો યોગ એક ઉત્તમ ઈલાજ છે. જીવનમાં નિયમિત યોગ કરવાથી ઘણા ફાયદા થાય છે. તંદુરસ્ત આરોગ્ય માટે નિયનીત યોગ કરવા જોઈએ જેનાથી આંતરિક ગુણો નો વિકાસ થાય છે અને એકાગ્રતા વધે છે તેમણે રાષ્ટ્રયોગમાં ભાગ લેનાર સૌને શુભેચ્છા પાઠવી હતી.
