વલસાડઃ ઉત્તરપ્રદેશના મેજા પોલીસ સ્ટેશન વિસ્તારમાં એક નાબાલિક તરુણીને પ્રેમઝાળમાં ફસાવી 22 વર્ષીય યુવક વાપીમાં લાવ્યો હતો. વાપીમાં કામ નહીં મળતા યુવકે તરુણીને વાપી નજીક બલિઠા ગામની હદમાં એક સુમસામ વિસ્તારમાં મોતને ઘાટ ઉતારી પરત યુપી નાસી ગયો હતો. જ્યાં યુપી પોલીસે તેને દબોચી લીધો હતો.
પોલીસે તેને તરુણી અંગે પૂછતાં તેણે વાપીમાં મોતને ઘાટ ઉતારી દીધી હોવાની કેફિયત રજૂ કરી હતી. જે આધારે વાપી ટાઉન પોલીસે યુવતીના મૃતદેહને કાદવ કિચડમાંથી કબજે કરી પેનલ પોસ્ટ મોર્ટમ માટે મોકલવાની તજવીજ હાથ ધરી હતી.
આ સમગ્ર ઘટનાને લઈ વાપી પંથકમાં ચકચાર મચી ગઇ છે. હત્યારા યુવકે ગત 27મી સપ્ટેમ્બરે યુપીથી તરુણીને બહેલાવી ફોસલાવી વાપી લાવ્યો હતો. જે બાદ વાપીમાં 30મી સપ્ટેમ્બરે બલિઠા નજીક અવાવરું જગ્યાએ લઈ જઈ ગળું દબાવી હત્યા કરી નાખી હતી.
યુપીના યુવકે વાપીમાં નાબાલિક તરુણીની હત્યા કરી
