વડોદરા : વાઘોડિયા GIDC પ્લોટ નંબર-184માં બાલાજી એન્ટરપ્રાઇઝ નામની કંપની આવેલી છે. આ કંપનીમાં પ્લાસ્ટીકનું પ્રોસેસીંગનું કામ કરવામાં આવે છે, ત્યારે અચાનક કંપનીના પાછળના ભાગે આગ ફાટી નીકળી હતી. આ બનાવની જાણ ફાયર બ્રિગેડને કરાતા તાત્કાલીક ફાયર વિભાગની ટીમ દોડી આવી હતી અને પાણીમારો ચલાવી આગને કાબુમાં કર્યો હતો.
ઉલ્લેખનિય છે કે, હાલ વાઘોડિયા GIDC કોરોના વાઇરસના કારણે લોકડાઉન છે, ત્યારે સવારે આ પ્લાસ્ટીક પ્રોસેસીંગ કરતી કંપનીમાં આગ ફાટી નીકળતા કંપનીના માલિકને દોડી આવ્યા હતા. આ સમગ્ર બનાવને પગલે મહત્વની વાત તો એ છે કે લોકડાઉન વચ્ચે આગ કેવી રીતે લાગી તે હજુ સુધી અકબંધ છે.
