પ્રકૃતિ અને પરમેશ્વરનો સમન્વય એટલે જનજાતિ સમાજના પરંપરાગત રૂઢિગત તહેવારો
આદિવાસી પ્રજાનો જીવનનિર્વાહનો આધાર મુખ્યત્વે ખેતી છે
ખેતીની મોસમ પ્રમાણે આદિવાસી પ્રજાના તહેવારો આવે છે
તાપી: સોનગઢ દેવજીપૂરાના જનજાતિ સમાજ દ્વારા આદિવાસીઓની રૂઢિ પરંપરા અને રીત-રિવાજ મુજબ જૂન મહિનામાં પ્રથમ વર્ષાના આગમન પછી ખેતરમાં વાવેલું ધાન્ય ઉગી નીકળે છે અને તેના અંકુરો નીકળે છે તથા જંગલમાં નવું ઘાસ ઉગે છે. ત્યારે તેની ખુશીમાં પરંપરાગત ગ્રામ-દેવતાઓમાંના, વર્ષા અને પ્રકૃતિ સાથે સંકળાયેલા એક નંદરિયો દેવ પૂજવામાં આવ્યા છે
મારઘીની આહુતિ આપી કરાય છે પૂજા
ગામ-સીમાડે આવેેલા દેવના સ્થાનકે જઈને ગામના પુજારા અને વડીલો દ્વારા નારીયેળ ફોડી, સાક પાડી-(જમીન પર દારુ રેડી) અને મરઘીની આહુતિ આપી પૂજા કરીને પ્રાર્થના કરવામાં આવે છે.
ઉગેલા ધાન્ય અને જંગલની વનસ્પતિ માટે પૂજા કરાય છે
આ પ્રાર્થના એ માટે કરવામાં આવે છે કે ઉગેલું ધાન્ય તથા જંગલની વનસ્પતિ સમગ્ર વર્ષ દરમિયાન કોઇપણ હાની સામે ટકી રહે, જેથી તેમનો અને સાથે-સાથે સમગ્ર જીવજંતુઓનો અને સમસ્ત સૃષ્ટિનો જીવન નિર્વાહ સરળતાથી ચાલી શકે.
