Low Birth weight Baby Rescue : માત્ર 654 ગ્રામ વજન સાથે જન્મ લેનાર બાળકને બચાવી લેવાયું

તાપીના ખેરવાડામાં 654 ગ્રામ વજન સાથે જન્મેલ બાળકને બચાવી લેવાયું હતું. આ (Low Birth weight Baby Rescue) બાળકના બચાવમાં પ્રધાનમંત્રી જન આરોગ્ય યોજના (PMJAY) ઉપકારક બની હતી.

તાપીઃ તાપી જિલ્લાના અંતરિયાળ ખેરવાડા પ્રાથમિક આરોગ્ય કેન્દ્રમાં (Tapi Khervada PHC ) જન્મેલ માત્ર 654 ગ્રામ વજનની બેબી ચાઈલ્ડને (Low Birth weight Baby Rescue) NICU વોરિયર્સ ટીમે ઉગારી હતી. જેમાં PMJAY યોજના બાળકીના માતાપિતાના જીવનમાં આશાનું કિરણ બની ગઈ હતી. તાપી જિલ્લાના અંતરિયાળ ગામ ખેરવાડા પ્રાથમિક આરોગ્ય કેન્દ્રમાં જન્મેલી વનિતા નરેશ વસાવાની બેબી ગર્લ ચાઈલ્ડને ડિસ્ચાર્જ કરી ત્યાંથી પીએમજેએવાય યોજના હેઠળ વધુ સારવાર કરવા માટે વ્યારાની મોદી ચિલ્ડ્રન હોસ્પિટલમાં દાખલ કરવામાં આવી હતી.

બાળકને રેસ્પિરેટરી ડિસ્ટ્રેસ સિન્ડ્રોમ હતો

બાળક અત્યંત નીચા જન્મ વજન માત્ર 654 ગ્રામ (Low Birth weight Baby Rescue) સાથે અત્યંત અકાળે જન્મ્યું હતું. શરૂઆતમાં બાળકને રેસ્પિરેટરી ડિસ્ટ્રેસ સિન્ડ્રોમ હતો તેથી તેને 12 દિવસ માટે CPAP પર રાખવામાં આવ્યો હતું. ધીમે ધીમે દર્દીને ઉષ્ણકટિબંધીય ફીડ પર મૂકવામાં આવ્યું હતું અને ખોરાકમાં ધીમે ધીમે વધારો કરવામાં આવ્યો હતો. તે દરમિયાન કમનસીબે દર્દીને કોગ્યુલોપથી અને સેપ્સિસ વિકસી હતી તેથી ઉચ્ચ એન્ટિબાયોટિક્સ FFP અને PCV આપવામાં આવી હતી. થોડા દિવસો પછી બાળકની સ્થિતિમાં સુધારો થયો અને ધીમે ધીમે સંપૂર્ણ ખોરાક સહન કરવાનું શરૂ કર્યું.

બાળકના પિતાને લેબોરેટરી ટેસ્ટથી લઈને દવા વગેરે કોઈપણ જાતનો ખર્ચ કરવો પડ્યો નથી

આ પણ વાંચોઃ 436 ગ્રામ જેટલું ઓછું વજન ધરાવતું બાળક જીવી જવાનો પ્રથમ કિસ્સો જાણો…

NICU વોરિયર્સનો આભાર માનવામાં આવ્યો

તાપી જિલ્લા મુખ્ય આરોગ્ય અધિકારી ડો.હર્ષદ પટેલે જણાવ્યું હતું કે કોવિડ-19ના આ મુશ્કેલ સમયમાં “બેટી બચાવો દેશ બચાવો” અભિયાન અંતર્ગત એક સફળતાની વાર્તા શેર કરતાં અમે આનંદ અને ગૌરવની લાગણી અનુભવીએ છીએ. આ સુવર્ણ ક્ષણની શરૂઆતમાં જ અમે નાના NICU વોરિયર્સ પર આશીર્વાદ વરસાવવા માટે સર્વશક્તિમાનનો આભાર માનીએ છીએ. મોદી ચિલ્ડ્રન હોસ્પિટલના ડો.કિમશુક મોદીએ જણાવ્યું હતું કે તમામ ભલામણ પ્રીમેચ્યોરિટી સ્ક્રીન સામાન્ય હોવાનું જાણવા મળ્યું હતું. છેવટે તમામ ઉતારચઢાવ સાથે અમે આ બાળકને (Low Birth weight Baby Rescue) અમારી હોસ્પિટલમાંથી NICU માં જીવનના 56 દિવસ સુધી 1..072kg સાથે અકબંધ ન્યુરોલોજીકલ અને હેમોડાયનેમિકલી સ્ટેબલ સાથે ડિસ્ચાર્જ કરવામાં સક્ષમ થયાં. ડોક્ટર ટીમ સહિત સમગ્ર ટીમ બાળકના માતાપિતાના જીવનમાં આશાનું વાસ્તવિક કિરણ બન્યાં છે.

આ પણ વાંચોઃ કચ્છના મોરા ગામમાં નિઃસંતાન 70 વર્ષનાં મહિલાએ લગ્નના 45 વર્ષ બાદ બાળકને આપ્યો જન્મ, બાળક અને માતા બંને સ્વસ્થ

દીકરીના પિતાએ સરકારી યોજનાનો લાભ મળ્યો

દીકરીના પિતાએ (Low Birth weight Baby Rescue) જણાવ્યું હતું કે પ્રધાનમંત્રી જન આરોગ્ય યોજના (PMJAY ) અમારા માટે ખૂબ જ આશીર્વાદરૂપ નીવડી છે. આ યોજનાથી અમને લેબોરેટરી ટેસ્ટથી લઈને દવા વગેરે કોઈપણ જાતનો ખર્ચ કરવો પડ્યો નથી. અમારી દીકરીને બચાવવા બદલ ડોકટરો, આરોગ્યનો સ્ટાફ અને સરકારનો આભાર વ્યક્ત કરીએ છીએ.