તાપી: તાપી જિલ્લાના વડામથક વ્યારા ખાતે (BJP Workers Convention At Vyara) આજે ગુજરાત ભાજપ પ્રદેશ અધ્યક્ષ સી.આર.પાટીલની ઉપસ્થિતમાં કાર્યકર્તા સંમેલન યોજાયું હતું. જેમાં મોટી સંખ્યામાં ભાજપના નેતા અને કાર્યકર્તાઓ ઉપસ્થિત રહ્યા હતા. ગુજરાતમાં આવનારી વિધાનસભાની ચૂંટણી (Gujarat Assembly Election 2022)ને લઈને હવે દરેક રાજકીય પાર્ટીએ તૈયારી આરંભી દીધી છે. જેના ભાગ રૂપે આજે તાપી જિલ્લા ભાજપ સંગઠન (Tapi District BJP) દ્વારા વ્યારા ખાતે કાર્યકર્તા સંમેલન યોજાયું હતું.
વ્યારા સીટ પર ભાજપ કબજો કરશે તેવો વિશ્વાસ વ્યક્ત કર્યો- આ સંમેલનમાં ભાજપ પ્રદેશ અધ્યક્ષ સી.આર.પાટીલ ખાસ ઉપસ્થિત રહ્યા હતા અને તેમણે ભાજપની સરકારના વિકાસના કાર્યો (BJP government Development works In Tapi) અંગે કાર્યકર્તા માહિત આપી હતી. સાથે જ કોંગ્રેસનો ગઢ ગણાતી વ્યારા વિધાનસભા પર (vyara assembly constituency) આ વખતે ભાજપ કબજો કરશે તેવી આશા વ્યક્ત કરી હતી. ભાજપા પ્રદેશ અધ્યક્ષ સી.આર. પાટીલે જણાવ્યું હતું કે, વર્ષોથી જ કોંગેસ ચૂંટાતી હતી, પરંતુ આ વખતે ભાજપાની જે તાકાત વધી રહી છે તેના આધારે આ વખતે કોંગ્રેસ તેના બિસ્ત્રા-પોટલાં બાંધી લે. ભારતીય જનતા પાર્ટીનું કમળ અહીંયા ખીલશે એવો મને વિશ્વાસ છે.
આ પણ વાંચો: Gujarat Nutrition Campaign: ગુજરાતમાં અંદાજીત 13 લાખ બાળકો કુપોષિત : CR પાટીલ
પાર તાપી નર્મદા લિંક પ્રોજેક્ટ વિશે પણ બોલ્યા- વધુમાં પાર તાપી નર્મદા રિવર લિંક યોજના (par tapi narmada link project) વિશે જણાવ્યું હતું કે, આ યોજના મનમોહન સિંહ વખતમાં સાઈન થયેલી હતી અને 2 રાજ્યો મહારાષ્ટ્ર અને ગુજરાતના બંનેના મુખ્યપ્રધાનોએ સહમતી આપી નથી. એમની સહમતિ વગર આ યોજના ઉપડતી નથી. આ યોજનાને બજેટમાં ફાળવવા માટે જાહેરાત કરી હતી કે, અમે આ યોજના કરીશું. એનાં માટે કેન્દ્ર સરકારે પણ કોઈ ફંડ નથી આપ્યું અને રાજ્ય સરકારે પણ એમાં કોઈ ફંડ ફાળવ્યું નથી અને મુખ્યમંત્રી એ પણ અહીંયા જાહેરાત કરી છે કે. અમે આમાં આગળ વધતા નથી.
આ પણ વાંચો: BJP Central Zone Meeting : PM Modiના દાહોદ પ્રવાસથી ગુજરાત વિધાનસભાની ચૂંટણીનું રણશિંગું ફૂંકાશેઃ પાટીલ
આ યોજનામાં આગળ વધીશું નહીં- તેમણે જણાવ્યું કે, કેન્દ્રમાં પણ ગૃહપ્રધાન અમિત શાહ, નાણાપ્રધાન નિર્મલા સિતારમણ, સિંચાઈપ્રધાન શેખાવતની ઉપસ્થિતમાં આદિવાસી વિસ્તાર (Tribal area In Gujarat)ના ગુજરાતના સૌ MP, MLA અને સૌ આગેવાનોની હાજરીમાં ખાતરી આપી છે કે, આ યોજનાને સ્થગિત કરી દઈએ છીએ. આ યોજનામાં અમે આગળ વધ્યા નથી અને આગળ વધીશું નહીં તેવું જણાવ્યું હતું.
