દુધરેજના વહાણવટીનગરમાં બાવરી સમાજના 100 વધુ પરિવારો વસવાટ કરે છે. આ વિસ્તારમાં છેલ્લા કેટલાક સમયથી આવારા તત્વો સ્થાનિકોને અવારનવાર હેરાન પરેશાન કરતા રોષે ભરાયેલા સ્થાનિક લોકો પોલીસ મથકે અને કલેક્ટરને રજૂઆત કરવા દોડી ગયા હતા.
જ્યાં આવેદનપત્ર પાઠવતા જણાવ્યું હતું કે, સાંજના સમયે એક સ્થાનિક મહિલા કુદરતી હજાતે જઈ રહી હતી ત્યારે બે શખ્સોએ સીટી મારી ઈશારો કરી છેડતી કરી હતી. આથી સમાજના આગેવાનો તે બન્ને શખ્સની સમજાવવા જતા તે બંને શખ્સોએ અન્ય 15થી 20 જેટલા માણસને બોલાવી પથ્થરમારો કરતા અંબાબેન રામાભાઇ, દેવીબેન રામાભાઈને માથાના ભાગે ઈજાઓ થઈ હતી.
આ વિસ્તારમાં માથાભારે શખ્સો દારૂ અને જુગાર જેવી પ્રવૃતિઓ પણ ચલાવતા હતા અને સ્થાનિકોને બહાર નીકળવું મુશ્કેલ બની ગયું હતું. ત્યારે સ્થાનિકોએ કલેક્ટર તેમજ પોલીસ મથકે લેખિતમાં રજૂઆત કરી લુખ્ખા તત્વો સામે કડક કાર્યવાહી કરવા માંગ કરી હતી.
