રાજકોટમાં રહેતી યુવતીને ચોટીલાના યુવક સાથે મિત્રતા હતી. આ દરમિયાન યુવકે યુવતીના બિભત્સ ફોટા વાયરલ કરવાની ધમકી આપતો હતો. ત્યાર બાદ તેની સાથે દુષ્કર્મ આચર્યું હતુ. રાજકોટ પોલીસ સ્ટેશનમાં આ મામલે ફરિયાદ નોંધાઈ છે. પોલીસે ફરિયાદના આધારે ચોટીલાના આરોપી એઝાઝ નૂરમહમદ ગઢવાળા નામના શખ્સની ધરપકડ કરી વધુ પૂછપરછ હાથ ધરી છે. યુવકે પીડિતાને PSI બનાવવાની લાલચ આપીને 2 લાખ રૂપિયા પડાવ્યા હોવાનું પણ પોલીસ ફરિયાદમાં નોંધાયું છે.
યુવકે યુવતીને ધમકી આપી બળજબરીપૂર્વક યુવતી સાથે શારીરિક સંબંધ બાંધ્યો હતો. આરોપીએ ખોટા નામથી યુવતીને મકાન ભાડે આપવાની વાતચીત કરી તેની સાથે મિત્રતા કરી લીધી હતી. યુવકે પીડિતાને ચોટીલા ખાતે આવેલી એક હોટલમાં બોલાવીને અપશબ્દો કહી જાનથી મારી નાખવાની ધમકી આપી હતી. ત્યાર બાદ યુવતી સાથે દુષ્કર્મ આચર્યુ હતુ.
