આ કાર્યક્રમમાં ખાસ કરીને જે કોર્ટ કેસ છે,તેનો નિકાલ કરવાનો પ્રયાસ કરવામાં આવ્યો હતો. તો આ સાથે સગાઈ તૂટવાના, છૂટાછેડાના રીમેરેજના તથા આંતર જ્ઞાતિય લગ્નો જેવા સામાજીક મુદાઓને આવરી ‘સમાધાન પંચ’ની રચના કરવામાં આવી હતી. રાજપૂતાણીઓનાં આ અધિવેશનમાં મુખ્ય અતિથિ હીઝ હાઈનેસ રાસેશ્વરી રાજલક્ષ્મીદેવી ઓફ જેસલમેર (રાજસ્થાન) ખાસ ઉપસ્થિત રહ્યા હતા.
આ અંગે સમારંભના અધ્યક્ષ દશરથબા મહેન્દ્રસિંહજી પરમારે જણાવ્યું હતુ કે,રાજપૂત સમાજની આન-બાન અને શાન જાળવવાવાળા સંસ્કારો અને સંસ્કૃતિનુ જતન કરવા રાજપૂતાણીએ અમૂલ્ય યોગદાન આપ્યું છે. તો રાજપૂતાણીઓનાં સિધ્ધાંતો, વાણી, વર્તન અને પહેરવેશના કારણે આમસમાજમાં એક વિશિષ્ટ ઓળખ ઉભી કરી છે. તો સમય સાથે તાલમિલાવી સમાજની બહેનોએ પણ શિક્ષણ પ્રાપ્ત કરવાની સાથે પ્રગતિ કરીને વિકાસ સાધ્યો છે. જો કે આ વિકાસ સાથે સામાજીક વિનાશ ન આવે તે માટે ચર્ચા કરી નિર્ણયો લઈ અને ચોકકસ રણનીતિ નકકી કરવાનો આશય અને ધ્યેય સાથે રાજપૂતાણી મહાઅધિવેશનનું આયોજન કરવામાં આવેલું હતું.
રાજપૂત સંસ્કૃતિને સંસ્કારમાં રાજપૂતાણીનો બહુ મોટો ફાળો છે. રાજપૂતાણી થકી રાજપૂત સંસ્કૃતિ ટકી રહી છે. આ તકે શારદાબા જાડેજા જયશ્રીબા જાડેજા, હીનાબા બી.ગોહિલ, હંસીનીબા જાડેજા, સીતાબા જેઠવા, કિર્તીબા ઝાલા, ઈલાબા જાડેજા તથા ગીતાબા ચુડાસમાનો આ અધિવેશમાં સિંહ ફાળો રહયો હતો.
અહીં મહત્વનું છે કે આ અધિવેશનમાં 25 વર્ષથી સંયુક્ત કુટુંબમાં રહી કુટુંબ તેમજ પરિવારની નાની મોટી જવાબદારી સંભાળનાર 11 રાજપૂતાણીઓનું નારીત્નથી સન્માન કરવામાં આવ્યુ હતુ.
