Surat News: ઓલપાડમાં શાકભાજી કાપતા-કાપતા એક યુવકનું અચાનક મોત નિપજ્યું

ઓલપાડ તાલુકાના સાયણ ટાઉનમાં રહેતા એક ઓરીસ્સાવાસી શ્રમજીવીનું મોત થઇ ગયું હતું. તેની રૂમમાં શાક્ભાજી કાપતા-કાપતા અચાનક બે-ભાન થઈ ગયો હતો અને ત્યારબાદ તેનું કોઇ અગમ્ય કારણસર મોત નીપજ્યું છે.

સુરત: જિલ્લાના ઓલપાડના સાયણ ટાઉનમાં રાંદલ માતાના મંદિરની પાછળ આવેલ ગણેશ પેલેસ એપાર્ટમેન્ટમાં રહેતો 46 વર્ષીય ઉપેન્દ્ર દિનબંધુ સ્વાઇ ટેક્ષટાઇલ યુનિટમાં કામ કરતો હતો. રાત્રે-9:30 ક્લાકના સુમારે કોઇ અગમ્ય કારણસર શાકભાજી કાપતા-કાપતા જ અચાનક બેભાન થઈ જતા તેનું મોત થયું હતું. આ બાબતે મૃતકના સબંધી જોષના સ્વાઇને ઓલપાડ પોલીસ મથકમાં જાણ કરતા પોલીસે મૃતકની લાશનો કબજો લઈ પીએમ કરાવ્યું હતું. આ શંકાસ્પદ મોત મામલે હાલ તો પોલીસે અકસ્માત મોતનો ગુનો નોંધી વધુ તપાસ હાથ ધરી હતી.

હાર્ટ એટેકથી મોતનું અનુમાન: સાયણ ટાઉનના બીટ જમાદાર નિતેશ ભાઈએ જણાવ્યું હતું કે ઘટનાની જાણ થતા જ અમારી ટીમ તાત્કાલિક સ્થળ પર પહોંચી ગઈ હતી. યુવકના મૃતદેહનો કબજો લઈને સાયણ ખાતે આવેલ પ્રાથમિક આરોગ્ય કેન્દ્ર ખાતે લઈ જવામાં આવ્યો હતો જ્યાં યુવકનું પીએમ કરવામાં આવ્યું છે. હાર્ટ અટેકના કારણે મોત થયું હોવાનું હાલ પ્રાથમિક અનુમાન છે. જોકે પીએમ રિપોર્ટ આવ્યા બાદ જ હકીકત કારણ જાણવા મળશે.