કોરોના ફેઝ 2 : સુરતમાં ધન્વંતરી રથની સાક્ષીએ થયા લગ્ન

કોરોના ફેઝ 2માં સુરતના હીરા દલાલે અનોખી રીતે લગ્ન કર્યા છે. લગ્નમાં જાનૈયા સાથે ધન્વંતરી રથ પણ મૂકવામાં આવ્યો હતો. જેથી જાનૈયા અને કેટરીંગ સર્વિસ તેમજ અન્ય લોકોમાં જો કોરોનાના લક્ષણ દેખાય તો રેપિડ ટેસ્ટ કરી શકાય.

• કોરોના ફેઝ-2માં સુરતના હીરા દલાલે અનોખી રીતે કર્યા લગ્ન
• જાનૈયા સાથે ધન્વંતરી રથ પણ મૂકવામાં આવ્યો
• જો કોરોનાના લક્ષણ દેખાય તો રેપિડ ટેસ્ટ કરી શકાય

સુરતઃ કોરોના ફેઝ 2માં સુરતના હીરા દલાલે અનોખી રીતે લગ્ન કર્યા છે. લગ્નમાં જાનૈયા સાથે ધન્વંતરી રથ પણ મૂકવામાં આવ્યો હતો. જેથી જાનૈયા અને કેટરીંગ સર્વિસ તેમજ અન્ય લોકોમાં જો કોરોનાના લક્ષણ દેખાય તો રેપિડ ટેસ્ટ કરી શકાય.

ધન્વંતરી રથ પર કાર્યરત તમામ લોકોનું અભિવાદન કર્યું

સુરતના રાંદેર વિસ્તારમાં આવેલા પાલિકાના કોમ્યુનિટિ હોલમાં હીરા દલાલ જૈનમ મહેતા અને જેનેલિયા સાથે ધન્વંતરી રથ પણ મહેમાન તરીકે હાજર રહ્યો હતો. જેથી લગ્નમાં હાજર લોકો તેના થકી રેપિડ ટેસ્ટ કરાવી શકે છે. હાલ જ સુરત મહાનગરપાલિકાએ લગ્ન કરનારા લોકોને અપીલ કરી હતી કે, તેઓ લગ્નમાં પાલિકા દ્વારા નિઃશુલ્ક આપવામાં આવતી ધન્વંતરી રથની સેવાનો લાભ લોકો લઇ શકે આજ કારણ છે કે, વરરાજાએ લગ્નમંડપમાં જવા પહેલા ધન્વંતરી રથ પર કાર્યરત તમામ લોકોનું અભિવાદન કર્યું હતું અને આભાર વ્યક્ત કર્યો હતો.

લગ્ન પહેલાં જાનૈયાએ ધન્વંતરી રથનો લાભ લીધોલગ્ન પહેલા વર-વધૂએ ઓક્સીમીટરથી જ પોત પોતાનો ઓક્સિજન લેવલ ચેક કર્યું હતું. કોરોનાના લક્ષણો ન દેખાતા હોય એવા લોકોએ ટેસ્ટ કર્યા ન હતા પરંતુ કેટલાક જેને લક્ષણ જણાય રહ્યા હતા તેઓએ લગ્ન પહેલા સામેથી જઇને રેપિડ ટેસ્ટ કરાવ્યા હતા. સુરતમાં ધનવંતરી રથનો લાભ લગ્ન પહેલા જાનૈયા અને વધુ પક્ષના લોકોએ લીધો હતો.સુપર સ્પ્રેડર તરીકે ગણાતા લોકોના પણ ટેસ્ટિંગ જૈનમ મહેતાએ પોતાના લગ્નમાં મહેમાનોની સાથે ધનવંતરી રથને પણ ખાસ બોલાવ્યો હતો. આ લગ્નમાં તમામ મહેમાનોએ સોશિયલ ડિસ્ટન્સ રાખ્યું હતું અને માસ્ક પહેર્યુ હતું અને જે લોકોને કોરોનાના લક્ષણ દેખાતા હતા. તેઓએ આ લગ્નમાં વર વધૂને આશીર્વાદ આપવા પહેલા રેપિડ ટેસ્ટ કરાવ્યું હતું. સુપર સ્પ્રેડર તરીકે ગણાતા કેટ્રીંન સર્વિસના લોકો અને લગ્ન મંડપ સાથે જોડાયેલા લોકોએ પણ ફરજિયાત રેપીડ ટેસ્ટ કરાવ્યો હતો.