એશિયા બુક ઓફ રેકોર્ડમાં સ્થાન મેળવનાર સુરતના યુવાનોનું 'શિવ ભક્તિ' સોન્ગ

સુરતઃ આપણો દેશ પ્રતિભાશાળી યુવાઓથી ભરપૂર છે. તેમાં પણ આધુનિક યુવાનો દરરોજ કંઈક નવું કરીને દુનીયાભરના લોકોને ચોંકાવી દે છે, ત્યારે સુરતના ચાર યુવાનોએ ઉત્તરાખંડના બર્ફીલા પહાડોમાં માઈનસ 15 ડિગ્રી અને 12 હજાર ફૂટની ઊંચાઈ શીવ ભક્તિનું એક ગીત તૈયાર કર્યું છે. જેને દેશ-વિદેશમાંથી બહોળો લોકપ્રતિસાદ મળતા એશિયા બુક ઓફ રેકોર્ડમાં સ્થાન મળ્યું છે.

સુરતના જય યાદવ અને તેની ટીમ દ્વારા ઉત્તરાખંડના ટૂંગનાથ મહાદેવ મંદિર પર જઈ આ ગીત બનાવી અનોખી શિવભક્તિની મિશાલ કાયમ કરી છે. 12 હજાર ફૂટની ઊંચાઈ પર જઇ ચાર યુવાનોએ 8 દિવસના પ્રવાસ દરમિયાન 'શિવ તાંડવઃ સ્રોતમ' નામનું આ ગીત તૈયાર કર્યું છે. આ ગીતમાં જય યાદવે પોતાનો સ્વર આપ્યો છે જે લોકોને ખૂબ જ પસંદ પડ્યો છે.

આ ગીતને 27 મી ઓગસ્ટના રોજ યુ ટ્યુબ પર લોન્ચ કરવામાં આવ્યું હતું. સોશીયલ મીડિયા પર આ ગીતને દર્શકોનો ખૂબ જ પ્રેમ મળતા એશિયા બુક ઓફ રેકોર્ડમાં પણ સ્થાન મેળવ્યું છે. સુરતીઓ માટે ગૌરવની વાત છે.