સુરતમાં ગુરુકુળના વિદ્યાર્થીઓએ રાષ્ટ્રધ્વજ અને રાખડીની સંગમ માનવ પ્રકૃતિ બનાવી

સુરત : 15મી ઓગસ્ટ અને રક્ષાબંધન આ બંને મહત્વના તહેવાર એક જ દિવસે આવી રહ્યા છે. ત્યારે, સુરતમાં ગુરુકુળના વિદ્યાર્થીઓએ રાષ્ટ્રધ્વજ અને રાખડીની સંગમ માનવ પ્રકૃતિ બનાવી હતી. જેમાં 670 જેટલા વિદ્યાર્થીઓએ બનાવેલી આકૃતિ જોઈ સૌ કોઈ દંગ રહી ગયા હતા.

સુરતના કતારગામ વિસ્તાર ખાતે આવેલા ગુરુકુળ વિદ્યાલયના વિદ્યાર્થીઓ દરેક પર્વેમાં ખાસ માનવ આકૃતિ બનાવતા હોય છે. આ વર્ષે પણ સ્વતંત્રતા પર્વ અને રક્ષાબંધનનો તહેવાર એક સાથે આવતા વિદ્યાર્થીઓએ એક અનોખી માનવ પ્રતિકૃતિ બનાવી લોકોને શુભેચ્છા પાઠવી હતી. વિદ્યાર્થીઓ આશરે એક અઠવાડિયાની મહેનત બાદ વિદ્યાલયના 670 જેટલા વિદ્યાર્થીઓ એકઠા થઈ યોજનાબદ્ધ રીતે રાષ્ટ્રધ્વજ અને રાખડીમાં માનવ પ્રતિકૃતિમાં બદલાઈ ગયા હતા.

આ વિશાળ રાખડી અને રાષ્ટ્રધ્વજનો ઉપરથી જ્યારે નજારો જોવામાં આવે ત્યારે કોઈ કહી ન શકે કે આ માનવ આકૃતી છે. પરંતુ, વિદ્યાર્થીઓ તેની મહેનત અને ગુરુકુલ વિદ્યાલયના અનુશાસનનું પરિણામ છે. એક સાથે આટલા વિશાળકાય રાષ્ટ્રધ્વજ અને રાખડીને ગુરુકુળના વિદ્યાર્થીઓ દ્વારા તૈયાર કરવામાં આવી હતી.