સુરતના અડાજણ વિસ્તારમાં આવેલ એલ.પી.સવાણી શાળા સામેની કાર આગની આ ઘટના બનવા પામી હતી. કાર ચાલક બપોરના એક વાગ્યાના અરસામાં એલ.પી.સવાણી શાળા સામેથી પસાર થઈ રહ્યો હતો. જે દરમ્યાન કારમાં અચાનક શોર્ટ-સર્કિટ થતા ચાલક તાત્કાલિક બહાર નીકળી ગયો હતો. ગણતરીની મિનિટોમાં જ કાર ભડભડ સળગવા લાગી હતી. જેથી આસપાસ નાશભગ મચી ગઇ હતી. ઘટનાની જાણકારી સુરત ફાયર વિભાગને કરવામાં આવી હતી. ઘટનાની જાણકારી મળતા સુરત ફાયર વિભાગની બે ગાડીઓ સહિતનો કાફલો તાત્કાલિક સ્થળ પર દોડી આવ્યો હતો અને પાણીનો ફોમ ચલાવી આગ પર કાબુ મેળવ્યો હતો.
કારમાં અચાનક શોર્ટ સર્કિટ બાદ આગ ફાટી નીકળી, કાર ચાલકનો આબાદ બચાવ
